കൊച്ചി: ഇന്ത്യന് സൂപ്പര് ലീഗില് എഫ്.സി ഗോവക്കെതിരായ മത്സരത്തിനിടെ പരിക്കേറ്റ കേരള ബ്ലാസ്റ്റേഴ്സ് താരം ദിമിതര് ബെര്ബറ്റോവിന് 20 ദിവസത്തെ വിശ്രമം. ഗോവയില് നടന്ന മത്സരത്തിനിടെ കാലിന് പരിക്കേറ്റതിനെ തുടര്ന്ന് അഞ്ചാം മിനുറ്റില് ബെര്ബറ്റോവ് കളംവിട്ടിരുന്നു.
പരിക്ക് നിസാരമാണെന്ന് ബെര്ബറ്റോവ് അറിയിച്ചു. 20 ദിവസത്തിനുള്ളില് ഫിറ്റ്നസ് വീണ്ടെടുക്കാമെന്ന് ഡോക്ടര് അറിയിച്ചതായും താരം പറഞ്ഞു.
കൊച്ചിയില് 15ന് നോര്ത്ത് ഈസ്റ്റ് എഫ്.സി ക്കെതിരായ മത്സരം ബെര്ബറ്റോവിന് നഷ്ടമാകും. ഹോംഗ്രൗണ്ടില് 31ന് ബംഗളുരൂ എഫ്.സിയുമായുള്ള മത്സരത്തില് ബെര്ബറ്റോവ് തിരിച്ചെത്തിയേക്കും.
സുരക്ഷ കാരണങ്ങളാല് പുതുവര്ഷരാവിലെ മത്സരം മാറ്റിവെക്കണമെന്ന് കൊച്ചി സിറ്റി പൊലീസ് ബ്ലാസ്റ്റേഴ്സ് മാനേജ്മെന്റിനോട് ആവശ്യപ്പെട്ടിരുന്നു. മത്സരം രണ്ടോ മൂന്നോ ദിവസം നേരത്തെയാക്കിയാല് ബെര്ബറ്റോവിന് ബംഗളുരൂവിനെതിരായ മത്സരവും നഷ്ടമാകും.
പ്രതികരിക്കാൻ ഇവിടെ എഴുതുക: