കണ്ണൂര്: ആള് കേരള ഡോക്യുമെന്റ് റൈറ്റേഴ്സ് ആന്റ് സ്ക്രൈബ്സ് അസോസിയേഷന് 21-ാമത് ജില്ലാ സമ്മേളനം 15, 16 തിയ്യതികളിലായി നടക്കും. 15 ന് ഉച്ചക്ക് 2.30 ന് അമാനി ഓഡിറ്റോറിയത്തില് കണ്ണൂര് കോര്പ്പറേഷന് മേയര് ഇ.പി.ലത പ്രതിനിധി സമ്മേളനം ഉദ്ഘാടനം ചെയ്യുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. 16ന് കാലത്ത് 10 മണിക്ക് സ്റ്റേഡിയം കോര്ണര് പരിസരത്ത് നിന്നും പ്രകടനം ആരംഭിക്കും. തുടര്ന്ന് തുറമുഖ മന്ത്രി രാമചന്ദ്രന് കടന്നപ്പള്ളി പൊതുസമ്മേളനം ഉദ്ഘാടനം ചെയ്യും. ചടങ്ങില് എസ്എസ്എല്സി വിജയികള്ക്കുള്ള അവാര്ഡ് ദാനം, ആദ്യകാല അംഗങ്ങളെ ആദരിക്കല് എന്നിവ നടക്കും. രജിസ്ട്രേഷന് വകുപ്പില് നടത്തികൊണ്ടിരിക്കുന്ന സുതാര്യത ഇല്ലാത്ത നവീകരണ പ്രക്രിയകള്, പുത്തന്സാങ്കേതികവിദ്യയുടെ അശാസ്ത്രീയമായ ഉപയോഗം, മേഖലയിലേക്ക് പരിചയസമ്പത്തില്ലാത്തവരുടെ കടന്നുകയറ്റം, ആധാരം എഴുത്തുകാരുടെ തൊഴില് സ്ഥിരത തുടങ്ങിയ വിഷയങ്ങള് സമ്മേളനം ചര്ച്ച ചെയ്യും. വാര്ത്താസമ്മേളനത്തില് പി.പി.വത്സലന്, സി.മുഹമ്മദ് റഫീഖ്, സി.പി.മുഹമ്മദ് മുര്ഷീദ് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: