തിരുവനന്തപുരം: ഭരണപരിഷ്കാര കമ്മീഷന്റെ ആഭിമുഖ്യത്തില് മാസ്കറ്റ് ഹോട്ടലില് സംഘടിപ്പിച്ച ക്ഷേമനിയമങ്ങളെക്കുറിച്ചുള്ള ഏകദിന ശില്പശാല ഭരണപരിഷ്കാര കമ്മീഷന് ചെയര്മാന് വി.എസ്. അച്യുതാനന്ദന് ഉദ്ഘാടനം ചെയ്തു. നിലവിലെ സംവിധാനങ്ങളില് കാലാനുസൃത മാറ്റങ്ങള് വരുത്തി പാര്ശ്വവത്കരിക്കപ്പെട്ട ജനവിഭാഗങ്ങള്ക്ക് പ്രയോജനപ്പെടുത്തണമെന്ന് അദ്ദേഹം പറഞ്ഞു. ജനാധിപത്യ സംവിധാനത്തില് പാര്ശ്വവത്കരിക്കപ്പെട്ടവര്ക്ക് വിഭാവനം ചെയ്തിട്ടുള്ള അവകാശങ്ങള് മുഴുവന് നല്കാന് സാധിക്കണമെന്നും വിഎസ് പറഞ്ഞു. ഭരണപരിഷ്കാര കമ്മീഷന് അംഗം സി.പി. നായര് അധ്യക്ഷത വഹിച്ചു. അംഗം നീല ഗംഗാധരന്, മെംബര് സെക്രട്ടറി ഷീലാ തോമസ് എന്നിവര് സംസാരിച്ചു. സ്ത്രീകള്, കുട്ടികള്, മുതിര്ന്ന പൗരന്മാര്, ഭിന്നശേഷിക്കാര്, മാനസിക ബൗദ്ധിക വെല്ലുവിളി നേരിടുന്നവര്, കുടിയേറ്റ തൊഴിലാളികള് എന്നിവരുമായി ബന്ധപ്പെട്ട നിയമങ്ങളാണ് ആദ്യഘട്ടത്തില് ഭരണപരിഷ്കാര കമ്മീഷന് പഠന വിധേയമാക്കുന്നത്.
പ്രതികരിക്കാൻ ഇവിടെ എഴുതുക: