പിലാത്തറ: ആര്എസ്എസ് ജില്ലാ നേതാവിനെ അക്രമിച്ച് വധിക്കാന് ശ്രമം. പയ്യന്നൂര് ജില്ലാ ശാരീരിക് ശിക്ഷണ് പ്രമുഖ് പിലാത്തറക്കടുത്ത അറത്തിലെ കെ.വി.കരുണാകരനെ(47)യാണ് ബൈക്കിടിച്ച് വീഴ്ത്തി അക്രമിച്ച് കൊലപ്പെടുത്താന് ശ്രമിച്ചത്.
ഇന്നലെ രാവിലെ ഒമ്പതരയോടെയാണ് സംഭവം. ക്ഷീരകര്ഷകനായ കരുണാകരന് വീട്ടില് നിന്ന് പാല് കൊടുക്കാനായി റോഡിലൂടെ പോകവെ സിപിഎം ബ്രാഞ്ച് സെക്രട്ടറിയുടെ നേതൃത്വത്തില് പന്ത്രണ്ടംഗ സംഘം അകമിക്കുകയായിരുന്നു. അറത്തിലമ്പലത്തിന് സമീപത്ത് റോഡില് വെച്ച് ബൈക്കിടിച്ച് വീഴ്ത്തിയ ശേഷമായിരുന്നു അക്രമം. കരുണാകരനെ അക്രമിക്കുന്നത് കണ്ട് നാട്ടുകാര് ഓടിക്കൂടിയപ്പോള് ഗുണ്ടാസംഘം ഓടി രക്ഷപ്പെടുകയായിരുന്നു.
സിപിഎം ബ്രാഞ്ച് സെക്രട്ടറിയുടെ നേതൃത്വത്തിലുള്ള സംഘമാണ് അക്രമം നടത്തിയത്. സംഭവത്തില് പരിയാരം പോലീസില് പരാതി നല്കി. കരുണാകരന് നേരെ നടന്ന വധശ്രമത്തില് പ്രതിഷേധിച്ച് സംഘപരിവാര് പ്രവര്ത്തകര് പിലാത്തറ നഗരത്തില് പ്രകടനം നടത്തി.
പ്രതിഷേധ കൂട്ടായ്മയില് ആര്എസ്എസ് ജില്ലാ കാര്യവാഹ് പി.രാജേഷ്, താലൂക്ക് കാര്യവാഹ് കെ.സജിത്ത്, ബിജെപി .കല്യാശ്ശേരി മണ്ഡലം പ്രസിഡന്റ് വിജയന് മാങ്ങാട്, ജനറല് സെക്രട്ടറി കെ.സജീവന്, എന്.പി.കുഞ്ഞിക്കണ്ണന്, വി.വി.ഉണ്ണികൃഷ്ണന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: