ദിവ്യജ്യോതിക്ക് ഉജ്ജ്വല സ്വീകരണം

Thursday 14 December 2017 2:33 am IST

ദിവ്യജ്യോതിക്ക് ഉജ്ജ്വല സ്വീകരണം

ആലുവ: വഴിയരികില്‍ ശ്രീനാരായണ ഗുരുദേവ പ്രതിമ സ്ഥാപിക്കുമെന്ന പ്രഖ്യാപനം നടത്തി പിന്നാക്ക സംവരണം അട്ടിമറിക്കാന്‍ നീക്കം നടത്തുകയാണെന്ന് എസ്എന്‍ഡിപി യോഗം പ്രസിഡന്റ് ഡോ. എം.എന്‍. സോമന്‍ പറഞ്ഞു. ശിവഗിരി മഹാസമാധി മണ്ഡപം ഗുരുപ്രതിഷ്ഠ കനക ജൂബിലിയോടനുബന്ധിച്ച് എസ്എന്‍ഡിപി യോഗം വൈസ് പ്രസിഡന്റ് തുഷാര്‍ വെള്ളാപ്പള്ളി നയിക്കുന്ന ദിവ്യജ്യോതി പ്രയാണത്തിന് ആലുവ അദ്വൈതാശ്രമത്തില്‍ നല്‍കിയ സ്വീകരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ശ്രീനാരായണ ഗുരു കാണപ്പെട്ട ദൈവമാണ്. അതിനാല്‍ ഗുരുവിനെ പ്രതിഷ്ഠിക്കേണ്ടത് ക്ഷേത്ര ശ്രീകോവിലിലാകണം. പക്ഷി – മൃഗാദികളുടെ വിസര്‍ജ്യങ്ങള്‍ വീഴുന്ന വഴിയരികില്‍ ഗുരുവിന്റെ പ്രതിമ സ്ഥാപിക്കുന്നതിനോട് എസ്എന്‍ഡിപി യോഗത്തിന് യോജിക്കാനാകില്ല.
96 ശതമാനം വരെ മുന്നാക്ക വിഭാഗക്കാര്‍ ജോലി ചെയ്യുന്ന ദേവസ്വം ബോര്‍ഡില്‍ പത്ത് ശതമാനം കൂടി അവര്‍ക്ക് സംവരണം നല്‍കാനുള്ള നീക്കം അംഗീകരിക്കാനാകില്ല.
തുഷാര്‍ ശ്രീനാരായണ ഗുരുദേവ ദര്‍ശനങ്ങളെ വളച്ചൊടിക്കാന്‍ ബോധപൂര്‍വ്വമായ ശ്രമം നടക്കുകയാണെന്നും ഇത് തിരിച്ചറിഞ്ഞ് പ്രവര്‍ത്തിക്കാന്‍ ശ്രീനാരായണീയര്‍ തയ്യാറാകണമെന്നും തുഷാര്‍ വെള്ളാപ്പള്ളി പറഞ്ഞു. കുറിച്ചി അദ്വൈതാശ്രമം സെക്രട്ടറി സ്വാമി ധര്‍മ്മ ചൈതന്യ അദ്ധ്യക്ഷത വഹിച്ചു. യാഗം കൗണ്‍സിലര്‍ പി.ടി. മന്മഥന്‍, എ.ബി. ജയപ്രകാശ്, ഹരി വിജയന്‍, പെി.ഡി. ശ്യാംദാസ്, വി. സന്തോഷ് ബാബു, എ.എന്‍. രാമചന്ദ്രന്‍ എന്നിവര്‍ സംസാരിച്ചു.
ദേവസ്വം സെക്രട്ടറി അരയക്കണ്ടി സന്തോഷ്, സംഗീത വിശ്വനാഥന്‍, കൃഷ്ണകുമാരി, സജിത് നാരായണന്‍, എം.ബി. ശ്രീകുമാര്‍, അനില്‍ തറനിലം, സിനില്‍ മുണ്ടപ്പിള്ളി, മഹാരാജ ശിവാനന്ദന്‍, സി.എന്‍. രാധാകൃഷ്ണന്‍, ടി.ജി. വിജയന്‍, അറക്കത്തറ സന്തോഷ്, എം.എസ്. സാബു, വി.കെ. നാരായണന്‍, പി.എ. സോമന്‍, ഇ.കെ. മുരളീധരന്‍, പി.ആര്‍. നിര്‍മ്മല്‍കുമാര്‍, ഷൈജു മനക്കപ്പടി എന്നിവരും പങ്കെടുത്തു.

 

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.