തിരുവനന്തപുരം: നിത്യോപയോഗ സാധനങ്ങളുടെ വില വര്ധിക്കാതിരിക്കാന് സര്ക്കാര് ജാഗ്രതയോടെയാണ് നീങ്ങുന്നതെന്ന് മുഖ്യമന്ത്രി പിണറായി വിജയന്. തിരുവനന്തപുരം പുത്തരിക്കണ്ടം മൈതാനിയില് ക്രിസ്തുമസ് മെട്രോ ഫെയറുകളുടെ സംസ്ഥാനതല ഉദ്ഘാടനം നിര്വഹിക്കുകയായിരുന്നു അദ്ദേഹം.
കൂടുതല് തയ്യാറെടുപ്പുകളോടെയാണ് സപ്ലൈകോ ഈ വര്ഷം ക്രിസ്തുമസ് മെട്രോ ഫെയറുകള് ആരംഭിച്ചത്. ഒരു കുടുംബത്തിലേക്ക് ആവശ്യമായ എല്ലാസാധനങ്ങളും ഒരു മേല്ക്കൂരയ്ക്കു കീഴില് ലഭ്യമാക്കാന് സപ്ലൈകോ മെട്രോഫെയറുകള്ക്ക് കഴിയും. ഡിസംബര് 24 വരെ സപ്ലൈകോയുടെ സൂപ്പര് മാര്ക്കറ്റുകള്, പീപ്പിള്സ് ബസാറുകള്, ഹൈപ്പര് മാര്ക്കറ്റുകള് എന്നിവ ക്രിസ്തുമസ് മാര്ക്കറ്റുകളായി പ്രവര്ത്തിക്കും. സപ്ലൈകോ വിപണ കേന്ദ്രങ്ങളില് നിന്നു വാങ്ങുന്ന ബ്രാന്ഡഡ് ഉത്പന്നങ്ങള്ക്ക് അഞ്ച് മുതല് 30 ശതമാനം വരെ കിഴിവ് ലഭിക്കും. വില്പ്പനശാലകള് രാവിലെ 9.30 മുതല് വൈകിട്ട് ഏഴ് വരെ ഇടവേളയില്ലാതെ തുറന്ന് പ്രവര്ത്തിക്കും. ക്രിസ്തുമസ് കേക്ക്, ബേക്കറി വിഭവങ്ങള് എന്നിവ മിതമായ വിലയില് സപ്ലൈകോ ഫെയറുകളില് ലഭ്യമാക്കും. കഴിഞ്ഞ മെട്രോഫെയര് ബംബര് നറുക്കെടുപ്പില് വിജയിയായ എറണാകുളം സ്വദേശി വി. ബിന്ദു മുഖ്യമന്ത്രിയില് നിന്ന് സമ്മാനമായ അഞ്ചുപവന് സ്വര്ണം ഏറ്റു വാങ്ങി.
പ്രതികരിക്കാൻ ഇവിടെ എഴുതുക: