മലയിന്കീഴ്: മലയിന്കീഴ് മാധവകവി മെമ്മോറിയല് ഗവ. കോളേജ് പുതിയ കെട്ടിടസമുച്ചയം ഉദ്ഘാടനത്തിനൊരുങ്ങുന്നു. നിര്മാണപ്രവര്ത്തനങ്ങള് വിലയിരുത്തുന്നതിനായി എംഎല്എ ഐ.ബി. സതീഷിന്റെ നേതൃത്വത്തില് യോഗം ചേര്ന്നു. മലയിന്കീഴ് പഞ്ചായത്തുപ്രസിഡന്റ് ചന്ദ്രന്നായര്, പിഡബ്ല്യൂഡി എക്സിക്യൂട്ടീവ് എഞ്ചിനീയര് ജ്യോതി എന്നിവര് പങ്കെടുത്തു. അടുത്ത അധ്യയനവര്ഷത്തില് പുതിയ കെട്ടിടത്തില് ക്ലാസുകള് ആരംഭിക്കാനാകും. മാധവകവികളുടെ പ്രതിമ സ്ഥാപിക്കാന് ഉചിതമായ സ്ഥാനം കൂടുതല് ആലോചനകള്ക്കു ശേഷം നിശ്ചയിക്കും. ഇതിനോടൊപ്പം കോളേജില് ഭാവിയില് പുതിയ കോഴ്സുകള് ആരംഭിക്കുന്നതിനുള്ള അടിസ്ഥാനസൗകര്യം ഒരുക്കുന്നതിനായി പുതിയ മാസ്റ്റര്പ്ലാന് തയ്യാറാക്കിയത് സര്ക്കാരിന്റെ പരിഗണനയിലാണ്.
പ്രതികരിക്കാൻ ഇവിടെ എഴുതുക: