ആലപ്പുഴ: മെഡിക്കല് കോളേജ് ആശുപത്രിയിലെ ശസ്ത്രക്രിയ വിഭാഗത്തിലേക്ക് ഉപകരണങ്ങള് വാങ്ങുന്നതില് ക്രമക്കേട് ഉള്ളതായി ആക്ഷേപം ഉയരുന്നു
ചട്ടങ്ങള് പാലിക്കാതെ ചില കമ്പനികള്ക്ക് ഓര്ഡര് നല്കുകകയാണത്രെ. ഭരണകക്ഷിയില് പ്പെട്ട ചില യൂണിയന് നേതാക്കളുടെ സമര്ദ്ദമാണ് ഇതിന് പിന്നിലെന്നാണ് ആക്ഷേപം. ഈ കമ്പനികളുടെ വാഹനത്തിലാണ് നേതാക്കന്മാര് സഞ്ചരിക്കുന്നതെന്നും ഇവരുടെ സാമ്പത്തിക സഹായമാണ് യൂണിയന് പ്രവര്ത്തനത്തിന് ഉപയോഗിക്കുന്നതെന്നും വിമര്ശനം ഉയരുന്നു.
കഴിഞ്ഞ ദിവസം പ്രതിപക്ഷ യൂണിയന് ജീവനക്കാരുടെ സമ്മേളനത്തില് പങ്കെടുത്തവരുടെ ഫോട്ടോ എടുത്തവരുമായി ഈ വിഭാഗത്തിന് പങ്കുണ്ടന്നും പറയപ്പെടുന്നു. ചില ശസ്ത്രക്രിയ വിഭാഗങ്ങളിലേക്ക് ഓര്ഡര് എടുത്ത ഉപകരണങ്ങള് ഇതുവരെ നല്കിയിട്ടുമില്ല.
കൃത്യ സമയങ്ങളില് ജോലിക്ക് പോലും ഹാജരാകാതെ ഇത്തരത്തിലുള്ള പ്രവര്ത്തനങ്ങളും യൂണിയന് പരിപാടികളുമായി കറങ്ങി നടക്കുന്ന കുറേ ജീവനക്കാര് ആശുപത്രിയിലും കോളേജിലും ഉണ്ട്.
പ്രതികരിക്കാൻ ഇവിടെ എഴുതുക: