കണ്ണൂര്: കേരള ആരോഗ്യ സര്വകലാശാലയുടെ സംസ്ഥാന കലോത്സവം ‘ബാന്സുരി 2017’ കണ്ണൂര് പരിയാരം മെഡിക്കല് കോളജില് ഈ മാസം 19 ന് ആരംഭിക്കും. 19, 20, 21 തിയ്യതികളില് പത്ത് വേദികളിലായി നടക്കുന്ന കലോത്സവത്തില് 1200 ലധികം കലാപ്രതിഭകള് പങ്കെടുക്കുമെന്ന് പരിയാരം മെഡി.കോളജ് പ്രിന്സിപ്പാള് ഡോ.കെ.സുധാകരന് വാര്ത്താസമ്മേളനത്തില് പറഞ്ഞു. 19ന് വൈകിട്ട് നാലിന് മന്ത്രി കെ.കെ.ശൈലജ ഉദ്ഘാടനം ചെയ്യും. ആരോഗ്യ സര്വ്വകലാശാല വൈസ് ചാന്സിലര് ഡോ.എം.കെ.സി.നായര്, ടി.വി.രാജേഷ് എംഎല്എ, ജില്ലാ പഞ്ചായത്ത് പ്രസിഡന്റ് കെ.വി.സുമേഷ്, ചലച്ചിത്ര സംവിധായകന് ഡോ.ബിജു, നടന് നീരജ് മാധവ് തുടങ്ങിയവര് പങ്കെടുക്കും.
അഞ്ച് വേദികളിലായി 53 സ്റ്റേജ് മത്സരയിനങ്ങളും 26 ഓഫ് സ്റ്റേജ് ഇനങ്ങളുമായി ആകെ 79 ഇനങ്ങളിലാണ് മത്സരം. സംസ്ഥാനത്തെ മെഡിക്കല്, ഡന്റല്, ആയുര്വേദം, ഹോമിയോ, സിദ്ധ, യൂനാനി, നേഴ്സിങ്, ഫാര്മസി, പാരാമെഡിക്കല് കോളജുകളില് നിന്നായി സോണല് മത്സരങ്ങളില് മത്സരിച്ച് വിജയിച്ചവരാണ് പരിയാരത്ത് നടക്കുന്ന ഇന്റര്സോണ് സംസ്ഥാന കലോത്സവത്തില് പങ്കെടുക്കുന്നത്.
വാര്ത്താസമ്മേളനത്തില് സംഘാടക സമിതി ജനറല് കണ്വീനര് മുഹമ്മദ് സിറാജ്, ആരോഗ്യ സര്വകലാശാല യൂനിയന് ജനറല് കണ്വീനര് എം.പി.ശ്രുതി, പ്രോഗ്രാം കമ്മിറ്റി ചെയര്മാന് ഡോ.പി.പി.ബിനീഷ്, മീഡിയാ കമ്മറ്റി കണ്വീനര് അജിത് പാനൂര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: