ന്യൂദല്ഹി: ഗുജറാത്തില് ഭരണം നിലനിര്ത്താന് കഴിഞ്ഞതും ഹിമാചലില് ഭരണം പിടിക്കാന് കഴിഞ്ഞതും രാഷ്ട്രീയമായി പ്രധാനമന്ത്രി നരേന്ദ്രമോദിക്ക് വന് നേട്ടമാകും. രണ്ട് സംസ്ഥാനങ്ങളിലും മോദി തന്നെയായിരുന്നു പ്രധാന താര പ്രചാരകന്. 2019ലെ ലോക്സഭാ തിരഞ്ഞെടുപ്പില് മോദി ഭരണം തുടരാനുള്ള ജനഹിതമായി കൂടിയാണ് തെരഞ്ഞെടുപ്പ് ഫലം വിലയിരുത്തപ്പെടുന്നത്.
ഗുജറാത്തില് മാത്രമല്ല ഹിമാചല് പ്രദേശില് പോലും ‘കൈ’പൊക്കാന് കഴിയാതിരുന്നത് പുതുതായി കോണ്ഗ്രസ്സ് അധ്യക്ഷ സ്ഥാനം ഏറ്റെടുത്ത രാഹുല് ഗാന്ധിയെ സംബന്ധിച്ച് വലിയ തിരിച്ചടിയാണ് നേരിട്ടിരിക്കുന്നത്. കഴിഞ്ഞ തവണത്തേക്കാള് കൂടുതല് സീറ്റുകള് നേടാനായി എന്നത് മാത്രമാണ് രാഹുലിനെ സംബന്ധിച്ച് അല്പമെങ്കിലും ആശ്വാസമാകുന്നത്. എന്നാല് 22 വര്ഷം തുടര്ച്ചയായി ഭരിക്കുന്ന ബിജെപിയ്ക്കു മുന്നില് ഈ അവകാശവാദത്തിനും പ്രസക്തിയുണ്ടാവില്ല.
പട്ടീദാര് നേതാവ് ഹാര്ദ്ദിക് പട്ടേല്, ദളിത് നേതാവ് ജിഗ്നേഷ് മേവാനി, ആദിവാസ് നേതാവ് അല്പേഷ് ഠാക്കൂര് എന്നിവരെ ഒപ്പം നിര്ത്തിയിട്ടും ഭരണം പിടിക്കാന് പറ്റാത്തത് കോണ്ഗ്രസിനെ സംബന്ധിച്ച് വലിയ തിരിച്ചടി തന്നെയാണ്. ബിജെപിക്ക് ഇരട്ടി മധുരം നല്കുന്നതും ഇതു തന്നെയാണ്.
പ്രതികരിക്കാൻ ഇവിടെ എഴുതുക: