തൃശൂര്: കേരളത്തിലെ ക്ഷേത്രങ്ങളില് നടക്കുന്ന അഴിമതി മൂലമാണ് ക്ഷേത്ര ഭരണം സര്ക്കാര് ഏറ്റെടുക്കുന്നതെന്ന വാദം ക്ഷേത്രഭരണം പിടിച്ചടക്കാനുള്ള തന്ത്രമാണെന്ന് ഹിന്ദുഐക്യവേദി സംസ്ഥാന ജന.സെക്രട്ടറി ഇ.എസ്.ബിജു പറഞ്ഞു. ദേവസ്വം ബോര്ഡുകള് ക്ഷേത്രങ്ങളില് നടക്കുന്ന ക്രയവിക്രയങ്ങളെക്കുറിച്ച് ധവളപത്രമിറക്കണം. ദേവസ്വം ബോര്ഡുകളുടെ ഓഡിറ്റ് പൂര്ത്തിയാക്കി ഓഡിറ്റ് റിപ്പോര്ട്ട് സമര്പ്പിക്കാനും അത് പ്രസിദ്ധപ്പെടുത്താനും സര്ക്കാര് തയ്യാറാകണം. കേരള സര്ക്കാര് ക്ഷേത്രങ്ങള്ക്ക് സഹായം നല്കുന്നുണ്ടെന്ന രാഷ്ട്രീയ നേതാക്കന്മാരുടെ പ്രസ്താവന പച്ചക്കള്ളമാണ്.
കണ്വെന്ഷനില് കൊച്ചിന് ദേവസ്വം ബോര്ഡ് മുന് പ്രസിഡണ്ട് ടി.കെ.വിജയരാഘവന് അദ്ധ്യക്ഷത വഹിച്ചു. എഴുത്തച്ഛന് സമാജം സംസ്ഥാന പ്രസിഡണ്ട് കെ.ജി.അരവിന്ദാക്ഷന് ഉദ്ഘാടനം നിര്വഹിച്ചു. ക്ഷേത്രസംരക്ഷണസമിതി ജില്ലാപ്രസിഡണ്ട് എ.പി.ഭരത്കുമാര് ആമുഖ പ്രഭാഷണം നടത്തി. ഹിന്ദുഐക്യവേദി ജില്ലാസെക്രട്ടറി ഹരിമുള്ളൂര് ക്ഷേത്രവിമോചന പ്രതിജ്ഞ ചൊല്ലിക്കൊടുത്തു. ജില്ലാപ്രസിഡണ്ട് ബാലന് പണിക്കശ്ശേരി, രാജന് കുറ്റുമുക്ക്, സി.കെ.മധു, ഒ.ബി.പ്രദീപ് എന്നിവര് സംസാരിച്ചു.
കുന്നംകുളം: ഗുരുവായൂര് ശ്രീ പാര്ത്ഥസാരഥി ക്ഷേത്ര വിമോചന തലപ്പിള്ളി താലൂക്ക് കണ്വെന്ഷന് അമ്പലവാസി ഐക്യവേദി സംസ്ഥാന ചെയര്മാന് കെ.പി.ബാലകൃഷ്ണ പിഷാരടി ഉദ്ഘാടനം ചെയ്തു. പറപ്പൂക്കാവ് ദേവസ്വം പ്രസിഡണ്ട് എ. ശ്രീനിവാസന് അദ്ധ്യക്ഷത വഹിച്ചു. പി. ജി.കണ്ണന്, പി വി.മുരളീധരന്, കെ.എ ഗോപി, പ്രസാദ് കാക്കശ്ശേരി, ടി.സുരേഷ്, പി.വി.ഷാജി, പി.സി വിജയന്, പി.എസ്.നാരായണന്, സി.രഘുനാഥ് എന്നിവര് സംസാരിച്ചു.
കൊടകര: കണ്ടംകുളങ്ങര മഹാവിഷ്ണു ക്ഷേത്രം ഹാളില് നടന്ന സമര പ്രഖ്യാപന കണ്വെന്ഷന് സ്വാമി പുരുഷോത്തമാനന്ദതീര്ത്ഥ ഉദ്ഘാടനം ചെയ്തു.
ക്ഷേത്രം പ്രസിഡണ്ട് രഘു പാട്ടത്തില് അധ്യക്ഷത വഹിച്ചു. പി.സുധാകരന് മുഖ്യ പ്രഭാഷണം നടത്തി. എം.വി.മധുസൂദനന്, പി.എസ്.ശ്രീരാമന്, എന്.പി.മുരളി, പി.കെ.സുബ്രഹ്മണ്യന്, എം.വി.രഘു, ഇ.കൃഷ്ണന് നായര്, വേണു കോക്കാടന്, വത്സന് ചമ്പക്കര, ടി.സി.സേതുമാധവന്, പി.കെ.ജാനകി, കെ.ആര്.ദേവദാസ് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: