തിരുവനന്തപുരം: മുന് മന്ത്രി തോമസ് ചാണ്ടിക്കെതിരായ അന്വേഷണ ഫയല് വിജിലന്സ് ഡയറക്ടര് മടക്കി. റിപ്പോര്ട്ട് അപൂര്ണമാണെന്ന് ഡയറക്ടര് ലോക്നാഥ് ബെഹ്റ അറിയിച്ചു. ഇന്ന് കോടതിയില് റിപ്പോര്ട്ട് സമര്പ്പിക്കാനിരിക്കെയാണ് നടപടി.
വലിയകുളം സീറോ ജെട്ടി റോഡിനെ കുറിച്ചുള്ള ഫയലാണ് മടക്കിയത്. ഈ സാഹചര്യത്തില് അന്വേഷണത്തിന് വിജിലന്സ് സമയം നീട്ടി ചോദിച്ചേക്കും. മാര്ത്താണ്ഡം കായല് മണ്ണിട്ട് നികത്തി തോമസ് ചാണ്ടിയുടെ ഉടമസ്ഥതയിലുള്ള ലേക്ക് പാലസ് റിസോര്ട്ടിലേക്കാണ് റോഡ് നിര്മിച്ചത്.
അനധികൃതമായി സര്ക്കാര് പണം ഉപയോഗിച്ച് റോഡ് നിര്മിച്ചുവെന്നും ഇത് മൂലം 65 ലക്ഷം രൂപയുടെ നഷ്ടം സര്ക്കാര് ഖജനാവിന് സംഭവിച്ചുവെന്നുമാണ് പരാതി.
പ്രതികരിക്കാൻ ഇവിടെ എഴുതുക: