ഷോപിയന്: ജമ്മു കശ്മീരിലെ ഷോപിയനില് സുരക്ഷാസേനയുമായുണ്ടായ ഏറ്റുമുട്ടലില് രണ്ടു ഭീകരര് കൊല്ലപ്പെട്ടു. ഷോപിയനില് ഭീകരര് ഒളിച്ചിരിക്കുന്നുണ്ടെന്ന രഹസ്യ വിവരത്തെ തുടര്ന്ന് സൈന്യം നടത്തിയ തെരച്ചിലില് ഭീകരരെ കണ്ടെത്തുകയായിരുന്നു. മണിക്കൂറോളം നീണ്ട ഏറ്റുമുട്ടലിനൊടുവിലാണ് ഭീകരരെ വക വരുത്തിയതെന്ന് സൈന്യം വ്യക്തമാക്കി.
ഒരു ഭീകരന് കൂടി വീടിനുള്ളില് ഒളിച്ചിരിക്കുന്നതായി വിവരം ലഭിച്ചിട്ടുണ്ട്. സേന തെരച്ചില് തുടരുകയാണ്, പോലീസ് ഇന്സ്പെക്ടര് ജനറല് മുനീര് ഖാന് പറഞ്ഞു.ഈ വാരത്തിന്റെ തുടക്കത്തിലും പൂര്ണ്ണ പ്രതിരോധനിര തീര്ത്ത്, ബാരാമുള്ളയില് സൈന്യം ഭീകരര്ക്കുവേണ്ടി തെരച്ചില് നടത്തിയിരുന്നു.
പ്രതികരിക്കാൻ ഇവിടെ എഴുതുക: