കണ്ണൂരില്‍ ആറ് ബിജെപി പ്രവര്‍ത്തകര്‍ക്ക് വെട്ടേറ്റു

Wednesday 20 December 2017 10:51 am IST

കണ്ണൂര്‍: ജില്ലയുടെ രണ്ടിടങ്ങളില്‍ നടന്ന അക്രമ സംഭവങ്ങളില്‍ ആറ് ബിജെപി പ്രവര്‍ത്തകര്‍ക്ക് വെട്ടേറ്റു. ഇവരെ തലശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. ബിജെപി മട്ടന്നൂര്‍ മുന്‍സിപ്പാലിറ്റി വൈസ് പ്രസിഡന്റ് സുനില്‍, മങ്ങാട്ടിടം പഞ്ചായത്ത് പ്രസിഡന്റ് അനീഷ്, മട്ടന്നൂര്‍ മണ്ഡലം പ്രസിഡന്റ് തുടങ്ങിയവര്‍ക്കാണ് വെട്ടേറ്റത്.

കേസ് സംബന്ധമായ ആവശ്യവുമായി പേരാവൂര്‍ പോലീസ് സ്റ്റേഷനിലെത്തി മടങ്ങുമ്പോഴാണ് ഇവരുടെ കാര്‍ തടഞ്ഞു നിര്‍ത്തി ആക്രമിച്ചത്. നേരത്തെ കതിരൂരില്‍ നടന്ന ആക്രമണത്തില്‍ പൊന്ന്യം സ്വദേശി പ്രവീണിന് വെട്ടേറ്റിരുന്നു. കൈപ്പത്തിക്ക് ഗുരുതരമായി പരിക്കേറ്റ ഇയാളെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്.

ഇരുസംഭവങ്ങള്‍ക്ക് പിന്നിലും സിപിഎം പ്രവര്‍ത്തകന്മാരാണെന്ന് ബിജെപി നേതൃത്വം ആരോപിച്ചു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.