സിയോള്: ലോകത്ത് വിനാശകരമായ രീതിയില് ആക്രമണം നടത്താനുള്ള ചാവേറുകളെ ഉത്തര കൊറിയ സംരക്ഷിക്കുന്നതായി റിപ്പോര്ട്ട്. ലണ്ടന് നില് സ്ഥിരതാമസമാക്കിയ ഉത്തര കൊറിയന് മുന് സൈനികന് ജൂ ഇല് കിമ്മിന്റേതാണ് വെളിപ്പെടുത്തല്.
അവര്ക്ക് ശക്തമായ സൈന്യം മാത്രമല്ല. കിം ജോങ് ഉന്നിനായി ലോകത്തെ നശിപ്പിക്കാന് ശേഷിയുള്ള നിരവധി ചാവേറുകളും സജ്ജമാണ്. യുദ്ധത്തില് വിജയിക്കാനായില്ലെങ്കിലോയെന്ന മുന് കരുതലിലാണ് ചാവേറുകളെ ഒരുക്കിയിട്ടുള്ളത്. ഉന്നത സൈനിക ഉദ്യോഗസ്ഥരാണ് ഇവരെ തെരഞ്ഞെടുത്ത് പ്രത്യേക പരിശീനം നല്കിയിട്ടുള്ളത്. കിമ്മിനായി മരിക്കാന് വരെ ഇവര് തയാറാണ്, ജൂ ഇല് പറഞ്ഞു.
ചിന്താശക്തി ഇല്ലാത്ത ഈ ചാവേറുകള് റോബോട്ടുകളെ പോലെയാണ് പ്രവര്ത്തിക്കുന്നത്. അയല് രാജ്യങ്ങളായ ജപ്പാന്, ദക്ഷിണ കൊറിയ അടക്കം കിമ്മിന്റെ നിര്ദേശപ്രകാരം എപ്പോള് വേണമെങ്കിലും ആക്രമിക്കാന് അവര് സജ്ജരാണ്. ബാഗുകളില് ഒതുങ്ങുന്ന ചെറിയ ആണവ ആയുധങ്ങള് നിര്മിക്കാനുള്ള പ്രയത്നത്തിലാണ് ഉത്തരകൊറിയയെന്നും ജൂ പറഞ്ഞു. ലോകം നശിപ്പിക്കാനുതകുന്ന രാസായുധങ്ങളും ഇവരുടെ പക്കലുണ്ടെന്നും അദ്ദേഹം കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക: