കണ്ണൂര്: അഴീക്കോട് പൊടിക്കുണ്ട് റസിഡന്സ് അസോസിയേഷന് കൊട്ടാറത്തുംപാറ ഏര്പ്പെടുത്തിയ വാഗ്ഭടാനന്ദ പുരസ്ക്കാരം ശിഹാബുദ്ദീന് പൊയ്ത്തുംകടവിന് നല്കാന് തീരുമാനിച്ചതായി അസോസിയേഷന് ഭാരവാഹികള് വാര്ത്താ സമ്മേളനത്തില് അറിയിച്ചു. ഡോ.എ.കെ.നമ്പ്യാര്, ബാലകൃഷ്ണന് കൊയ്യാല്, അബ്ദുള്നിസാര് വായിപ്പറമ്പ് എന്നിവരടങ്ങിയ ജൂറിയാണ് പുരസ്ക്കാര ജേതാവിനെ തെരഞ്ഞെടുത്തത്. 5001 രൂപയും പ്രശസ്തിപത്രവും അടങ്ങിയതാണ് പുരസ്ക്കാരം. 24 ന് വൈകുന്നേരം 3 മണിക്ക് അഴീക്കോട് കൊട്ടാരത്തുംപാറ പൊടിക്കുണ്ട് പരിസരത്ത് നടക്കുന്ന ചടങ്ങില് പ്രശസ്ത സാഹിത്യ നിരൂപകന് കല്പ്പറ്റ നാരായണന് പുരസ്ക്കാരം സമ്മാനിക്കും.
അസോസിയേഷന്റെ നേതൃത്വത്തില് ശിശിരോത്സവം 2017 എന്ന പേരില് 24 ന് വൈകുന്നേരം വിത്യസ്ത കലാപരിപാടികളും രാവിലെ പുരാവസ്തു ചിത്രപ്രദര്ശനവും നടക്കും. വാര്ത്താ സമ്മേളനത്തില് ബാലകൃഷ്ണന് കൊയ്യാല്, വയരളത്ത് രവീന്ദ്രന്, പി.വി.അരുണന്,വി.ഷിജിത്ത് എന്നിവര് സംബന്ധിച്ചു.
പ്രതികരിക്കാൻ ഇവിടെ എഴുതുക: