കൊച്ചി: നടിയെ ആക്രമിച്ച കേസില് സാക്ഷി മൊഴികള് ചോര്ന്നതിനെതിരെ പ്രോസിക്യൂഷന് ഹൈക്കോടതിയിലേക്ക്. കേസില് പ്രധാന സാക്ഷികള് നല്കിയ മൊഴികള് കഴിഞ്ഞ ദിവസങ്ങളിലായി പുറത്തു വന്നിരുന്നു. സാക്ഷികളെ സംരക്ഷിക്കണമെന്ന കോടതി നിര്ദ്ദേശം ലംഘിച്ചാണ് മൊഴികള് പ്രചരിച്ചത്.
ഇത് കേസ് അട്ടിമറിക്കാനുള്ള നീക്കത്തിന്റെ ഭാഗമാണെന്ന് പ്രോസിക്യൂഷന് കോടതിയെ അറിയിക്കും. അങ്കമാലി കോടതിയില് നിന്ന് പ്രതികളായ വിഷ്ണു, സനല്, ചാര്ൡഎന്നിവര് കുറ്റപത്രത്തിന്റെ പകര്പ്പ് നേരത്തെ കൈപ്പറ്റിയിരുന്നു. ഇവരില് നിന്നുമാണ് സാക്ഷി മൊഴികള് ചോര്ന്ന് കിട്ടിയതെന്നാണ് പ്രോസിക്യൂഷന്റെ ആരോപണം.
ദിലീപും കാവ്യയും തമ്മില് ബന്ധമുണ്ടായിരുന്നെന്നും ഇതേക്കുറിച്ച് ആക്രമിക്കപ്പെട്ട നടി തന്നെ അറിയിച്ചിരുന്നുവെന്നുമാണ് മഞ്ജുവിന്റെ മൊഴി. ആക്രമിക്കപ്പെട്ട നടി ഇല്ലാത്ത കാര്യങ്ങള് പറഞ്ഞു പരത്തിയെന്നായിരുന്നു കാവ്യയുടെ മൊഴി. ഇവര്ക്ക് പുറമേ നടി സംയുക്താ വര്മ്മ, നടന്മാരായ സിദ്ദിഖ്, കുഞ്ചാക്കോ ബോബന്, ഗായിക റിമി ടോമി, സംവിധായകന് ശ്രീകുമാര് മേനോന് എന്നിവരുടെ മൊഴികളാണ് പുറത്തായത്.
പ്രതികരിക്കാൻ ഇവിടെ എഴുതുക: