കണ്ണൂര്: വിവര പൊതുജനസമ്പര്ക്ക വകുപ്പും ആരോഗ്യ വകുപ്പും ജില്ലയിലെ എന്എസ്എസ് യൂനിറ്റുകളുമായി സഹകരിച്ച് സുരക്ഷിത ഭാവിക്ക് പ്രതിരോധ ചികിത്സ എന്ന പേരില് ആരോഗ്യ ബോധവല്ക്കരണ പരിപാടി സംഘടിപ്പിക്കുന്നു. ജില്ലയിലെ വിവിധ സ്ഥലങ്ങളില് ക്രിസ്തുമസ് അവധിക്കാലത്ത് നടക്കുന്ന എന്എസ്എസ് സപ്തദിന ക്യാമ്പുകളുടെ ഭാഗമായാണ് പരിപാടി.
24 മുതല് 30 വരെയുള്ള ദിവസങ്ങളിലായി ജില്ലയില് 10 ക്ലാസുകളാണ് നടക്കുക. പേരാവൂര് പെരുമ്പന്ന ജിഎല്പി സ്കൂളിലെ ക്യാമ്പില് 24ന് രാവിലെ 10 മണിക്ക് നടക്കുന്ന ബോധവല്ക്കരണ പരിപാടിയില് പേരാവൂര് താലൂക്ക് ആശുപത്രിയിലെ പീഡിയാട്രീഷ്യന് ഡോ.സുരേഷ്ബാബു ക്ലാസെടുക്കും. വൈകിട്ട് 5ന് പാലയാട് ഡയറ്റില് നടക്കുന്ന എന്എസ്എസ് ക്യാമ്പില് മുഴപ്പിലങ്ങാട് പ്രാഥമികാരോഗ്യ കേന്ദ്രത്തിലെ പീഡിയാട്രീഷ്യന് ഡോ.ദില്നാഥ് ക്ലാസെടുക്കും.
27 ന് 11 മണിക്ക് ശിവപുരം ജിഎല്പി സ്കൂളില് മുണ്ടേരി പ്രാഥമികാരോഗ്യ കേന്ദ്രത്തിലെ പീഡിയാട്രീഷ്യന് ഡോ. അഷ്റഫ് ബോധവല്ക്കരണ ക്ലാസെടുക്കും. 28ന് കതിരൂര് വിഎച്ച്എസ്എസില് പകല് രണ്ട് മണിക്ക് ഡോ. ദില്നാഥ്, വൈകിട്ട് നാല് മണിക്ക് മോറാഴ മേപ്പൂലിലെ ക്യാമ്പില് ഡോ. സച്ചിന് എന്നിവരും ക്ലാസെടുക്കും. 29ന് രാവിലെ 10 മണിക്ക് തൊക്കിലങ്ങാടി എച്ച്എസ്എസില് കൂത്തുപറമ്പ് താലൂക്ക് ആശുപത്രിയിലെ പീഡിയാട്രീഷ്യന് ഡോ. രേഖ ക്ലാസെടുക്കും.
പ്രതികരിക്കാൻ ഇവിടെ എഴുതുക: