കല്പ്പറ്റ: ലഹരിവസ്തുക്കളുടെ നിര്മ്മാണവും വില്പ്പനയും നടത്തുന്നതിനെതിരെ കര്ശന നടപടി സ്വീകരിക്കാന് കളക്ടറേറ്റില് നടന്ന ജനകീയ കമ്മറ്റിയില് ജില്ലാകളക്ടര് എസ് സുഹാസ് നിര്ദ്ദേശം നല്കി. ലഹരി വസ്തുക്കളുടെ ഉത്പാദനവും വില്പ്പനയും കടത്തും സംബന്ധിച്ച് പൊതുജനങ്ങള്ക്കും സന്നദ്ധ സംഘടനകള്ക്കും വിവരങ്ങള് നല്കാമെന്ന് വയനാട് ഡെപ്യൂട്ടി എക്സൈസ് കമ്മീഷണര് ജി മുരളീധരന്നായര് അറിയിച്ചു. ജില്ലയില് എക്സൈസ് വകുപ്പ് മുഴുവന്സമയ കണ്ട്രോള്റൂം ആരംഭിച്ചിട്ടുണ്ട്. ജില്ലാകണ്ട്രോള് റൂം, മീനങ്ങാടി 04936 248850, 246180 കല്പ്പറ്റ റേഞ്ച് ഓഫീസ് 04936 208230, 202219, മാനന്തവാടി 04935 244923, 240012, ബത്തേരി 04936 227227, 248190. ടോള് ഫ്രീ നമ്പര് 1800 425 2848 എന്നീ നമ്പറുകളില് അറിയിക്കാം.
നവംബര് 30 മുതല് ഡിസംബര് 18 വരെ എക്സൈസ് വകുപ്പ് 156 റെയ്ഡുകളില് 86 കേസുകള് രജിസ്റ്റര് ചെയ്തതായി യോഗത്തെ അറിയിച്ചു. കോട്പ പ്രകാരം 26 കേസുകളും 34 അബ്കാരി കേസുകളും 26 മയക്കുമരുന്നു കേസുകളും ഇതില് ഉള്പ്പെടും. 9.5 ലിറ്റര് ചാരായവും 60 ലിറ്റര് വാഷും 2.275 കിലോ കഞ്ചാവ്, 123.5 കിലോ പുകയില ഉല്പന്നങ്ങളും പിടിച്ചെടുത്തു. കോട്പ ആക്ട് പ്രകാരം 10,200 രൂപ പിഴയും ഈടാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: