കാട്ടാക്കട: കുളത്തുമ്മല്ഗവ. എച്ച്എസ്എസിലെ എന്എസ്എസ് യുണിറ്റിന്റെ ജലസാക്ഷരത, ജലസംരക്ഷണ സന്ദേശമുണര്ത്തിയുള്ള സപ്തദിന സഹവാസക്യാമ്പ് ശ്രദ്ധേയമാകുന്നു. അന്തിയൂര്ക്കോണം ലിറ്റില്ഫ്ളവര് ഹൈസ്കൂളില് ആരംഭിച്ച ക്യാമ്പില് ജലസ്രോതസുകളുടെ നവീകരണം, ജലസാക്ഷരത, ജൈവകൃഷി പ്രോത്സാഹിപ്പിക്കല്, മാലിന്യസംസ്കരണം തുടങ്ങി തനിമയാര്ന്ന പരിപാടികളാണ് നടക്കുന്നത്.
ലിറ്റില്ഫ്ളവര് ഹൈസ്കൂള് പിറ്റിഎ പ്രസിഡന്റ് കെ. ശ്രീകുമാറിന്റെ അധ്യക്ഷതയില് ഐ.ബി. സതീഷ്എംഎല്എ ക്യാമ്പ് ഉദ്ഘാടനം ചെയ്തു. മലയിന്കീഴ് പഞ്ചായത്ത് പ്രസിഡന്റ് എസ്. ചന്ദ്രന്നായര് മുഖ്യപ്രഭാഷണം നടത്തി. വാര്ഡ് മെമ്പര് നടുക്കാട് അനില്, പഞ്ചായത്തംഗം സി.എസ്. അനിത, കുളത്തുമ്മല് ഗവ. എച്ച്എസ്എസ് പ്രിന്സിപ്പാള് രാധാലക്ഷ്മി എന്നിവര് സംസാരിച്ചു. തുടര്ന്നുള്ള ദിവസങ്ങളില് ജലസാക്ഷരത, ഗൃഹസന്ദര്ശനം, കരകൗശല പരിശീലനം, മാലിന്യസംസ്കരണം, വ്യക്തിത്വ വികസനം, കവിതയുടെ കനകച്ചിലങ്ക, ഗതാഗതനിയമങ്ങള്, ബോധവത്കരണ ക്ലാസുകള്, ജലസംരക്ഷണ സന്ദേശറാലി, കവിയരങ്ങ്, അന്തിയൂര്ക്കോണം തോടിന്റെ നവീകരണം എന്നിവ ക്യാമ്പിന്റെ ഭാഗമായി നടക്കും. 29ന് ഉച്ചയ്ക്ക് രണ്ടിന് നടക്കുന്ന സമാപന സമ്മേളനം നേമം ബ്ലോക്ക് പഞ്ചായത്ത് പ്രസിഡന്റ് ശകുന്തള കുമാരി ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: