ന്യൂദല്ഹി: ഇന്ത്യന് ചാരനെന്ന് ആരോപിച്ച് പാകിസ്ഥാന് പിടികൂടിയ മുന് ഇന്ത്യന് നാവിക ഉദ്യോഗസ്ഥന് കുല്ഭൂഷണ് ജാദവിനെ സന്ദര്ശിക്കാന് അദ്ദേഹത്തിന്റെ ഭാര്യയും അമ്മയും നാളെ പാകിസ്ഥാനിലേക്ക് പോകും. പാകിസ്ഥാനിലെ ഇന്ത്യന് ഡെപ്യൂട്ടി ഹൈക്കമ്മീഷ്ണറും ഇവരെ അനുഗമിക്കും. മാനുഷിക പരിഗണനയുടെ പേരിലാണ് കുല്ഭൂഷണെ സന്ദര്ശിക്കാന് അനുമതി നല്കിയതെന്ന് നേരത്തെ തന്നെ പാക് മന്ത്രാലയം വ്യക്തമാക്കിയിരുന്നു.
ഡിസംബര് 20ന് പാകിസ്താന് ഇരുവര്ക്കും വിസ അനുവദിച്ചിരുന്നു. പാകിസ്താന് വിദേശ കാര്യ മന്ത്രാലയമാണ് ഇത് സംബന്ധിച്ച അറിയിപ്പ് നല്കിയത്. മാനുഷിക പരിഗണനയുടെ പേരിലാണ് അനുമതി നല്കിയതെന്ന് നേരത്തെ തന്നെ പാക് മന്ത്രാലയം വ്യക്തമാക്കിയിരുന്നു. നേരത്തെ പതിനഞ്ചോളം തവണ കുല്ഭൂഷണെ കാണാന് ബന്ധുക്കളെ അനുവദിക്കണമെന്ന് ഇന്ത്യ ആവശ്യപ്പെട്ടിരുന്നെങ്കിലും പാകിസ്താന് അനുകൂലമായ നിലപാട് സ്വീകരിച്ചിരുന്നില്ല.
2016 മാര്ച്ചിലാണ് കുല്ഭൂഷണ് ജാദവ് പാക്ക് പിടിയിലാകുന്നത്. ഇന്ത്യയുടെ ചാരസംഘടനയായ റോയുടെ ഉദ്യോഗസ്ഥനാണ് ജാദവ് എന്നാണ് പാക് ആരോപണം. തുടര്ന്ന് ജാദവിന് സൈനിക കോടതി വധശിക്ഷ വിധിക്കും പിന്നീട് അന്താരാഷ്ട്ര നീതിന്യായ കോടതി ഇത് സ്റ്റേ ചെയ്യുകയുമായിരുന്നു.
കച്ചവട ആവശ്യത്തിനായി ഇറാനിലെത്തിയ കുല്ഭൂഷണെ പാകിസ്താന് വ്യാജകേസ് ചമച്ച് പിടികൂടുകയായിരുന്നുവെന്ന് ഇന്ത്യയുടെ വാദം. കുല്ഭൂഷണിന് വധശിക്ഷ വിധിച്ചതിനെതിരെ ഇന്ത്യ ശക്തമായ പ്രതിഷേധമാണ് ഉയര്ത്തി വന്നിരുന്നത്. കുല്ഭൂഷണിന്റെ വധശിക്ഷ നടപ്പിലാക്കിയാല് അത് ആസൂത്രിത കൊലപാതകമായി കണക്കാക്കുമെന്ന് ഇന്ത്യ പാകിസ്താന് മുന്നറിയിപ്പ് നല്കിയിരുന്നു.
പ്രതികരിക്കാൻ ഇവിടെ എഴുതുക: