കോട്ടയം: ഏറ്റുമാനൂര് മുനിസിപ്പാലിറ്റിയില് ചൊവ്വാഴ്ച ബിജെപി ഹര്ത്താല്. ആര്എസ്എസ് കാര്യാലയത്തിന് തീവച്ച സാഹചര്യത്തിലാണ് ഹര്ത്താലിന് ആഹ്വാനം ചെയ്തിരിക്കുന്നത്. കഴിഞ്ഞ മൂന്ന് ദിവസമായി തുടര്ച്ചയായി ആക്രമണങ്ങള് ഉണ്ടായിരുന്നു. സംഭവത്തിന് പിന്നില് സിപിഎം ആണെന്ന് ബിജെപി ആരോപിച്ചു.
രണ്ട് ദിവസം മുൻപ് ഏറ്റുമാനൂര് ഐടിഐയിലെ ഒരു സംഘം കാര്യാലയത്തിന് നേരെ അക്രമം അഴിച്ചുവിട്ടിരുന്നു. ഇതിനു പിന്നാലെയാണ് കാര്യാലയം കത്തിക്കാന് ശ്രമിച്ചത്. അക്രമികളെ സംരക്ഷിക്കുന്ന നിലപാടാണ് പോലീസിന്റേതെന്ന് ബിജെപി ആരോപിച്ചു. ആര്എസ്എസ് ക്യാമ്പ് ആരംഭിക്കുന്നതിന് തലേദിവസമാണ് ആക്രമണമുണ്ടായത്.
പ്രതികരിക്കാൻ ഇവിടെ എഴുതുക: