ലണ്ടന്: വീണ്ടുമൊരു ഹാട്രിക്കിലൂടെ ഹാരി കെയ്ന് പ്രീമിയര് ലീഗില് റെക്കോഡ് സ്ഥാപിച്ചു. ഒരു കലണ്ടര് വര്ഷത്തില് ഏറ്റവും കൂടുതല് ഗോള് നേടുന്ന താരമെന്ന നേട്ടം ഇനി കെയ്ന് സ്വന്തം. ഇന്നലെ സതാംപ്്ടനെതിരെ ഹാട്രിക്ക് കുറിച്ചതോടെ കെയ്ന് ഈ വര്ഷം പ്രീമിയര് ലീഗില് 39 ഗോളുകളായി.
1995 ല് അലന് ഷീറര് കുറിച്ച റെക്കോഡാണ് വഴിമാറിയത്.42 മത്സരങ്ങളില് നിന്നാണ് ഷീറര് 36 ഗോള് നേടിയത്. അതേസമയം കെയ്ന് 36 മത്സരങ്ങളിലാണ് 39 ഗോളുകള് നേടിയത്.
ഈ വര്ഷം ഇത് എട്ടാം തവണയാണ് ഈ മുന്നേറ്റ നിരക്കാരന് ഹാട്രിക്ക് നേടുന്നത്. കഴിഞ്ഞ ദിവസം ബേണ്ലിക്കെതിരെ ഹാട്രിക്ക് നേടി കെയ്ന് അലന് ഷീററുടെ റെക്കോഡിനൊപ്പം എത്തിയിരുന്നു.
യൂറോപ്പിലെ ടോപ്പ് സ്കോററെന്ന ബഹുമതിയും കെയ്ന് സ്വന്താമയി. അര്ജന്റീനയുടെ ലയണല് മെസിയെയാണ് മറികടന്നത്. ഈ വര്ഷം കെയ്ന് രാജ്യത്തിനും ക്ലബ്ബിനുമായി നേടിയ ഗോ്ളുകളുടെ എണ്ണം 56 ആയി. അതേസമയം മെസിയുടെ ഈ വര്ഷത്തെ നേട്ടം 54 ഗോളുകളാണ്.
മത്സരത്തില് ടോട്ടനം രണ്ടിനെതിരെ അഞ്ചുഗോളുകള്ക്ക് സതാംപ്ടനെ തോല്പ്പിച്ചു. ഈ വിജയത്തോടെ അവര് പ്രീമിയര് ലീഗില് പോയിന്റു നിലയില് നാലാം സ്ഥാനത്തെത്തി.
പ്രതികരിക്കാൻ ഇവിടെ എഴുതുക: