ആലപ്പുഴ: വിശ്വഹിന്ദു പരിഷത്ത് ദുര്ഗ്ഗാവാഹിനി ആലപ്പുഴ ജില്ലയുടെ നേതൃത്വത്തില് 30ന് ശക്തിസംഗമവും പഥസഞ്ചലനവും നടത്തുമെന്ന് വിഎച്ച്പി ജില്ലാ വര്ക്കിങ് പ്രസിഡന്റ് സുരേഷ് ശാന്തിയും ജില്ലാ സെക്രട്ടറി എം. ജയകൃഷ്ണനും പത്രസമ്മേളനത്തില് അറിയിച്ചു.
30ന് വൈകിട്ട് 3ന് എഎന്പുരം തിരുമല ക്ഷേത്ര പരിസരത്തുനിന്നും പഥസഞ്ചലനം ആരംഭിക്കും. 4.30ന് തോണ്ടന് കുളങ്ങര ഉഡുപ്പി ശ്രീകൃഷ്ണ ഓഡിറ്റോറിയത്തില് സമാപിക്കും. നൂറുകണക്കിന് പെണ്കുട്ടികള് അണിനിരക്കും. തുടര്ന്ന് നടക്കുന്ന പൊതുസമ്മേളനം എസ്എന് ട്രസ്റ്റ് മെമ്പര് പ്രീതി നടേശന് ഉദ്ഘാടനം ചെയ്യും.
ശക്തിസംഗമം സ്വാഗതസംഘം അദ്ധ്യക്ഷ ഡോ. എസ്. ഉമാദേവി അദ്ധ്യക്ഷയാകും. ഭാരതീയ വിചാരകേന്ദ്രം സംസ്ഥാന സെക്രട്ടറി അഡ്വ. അഞ്ജനാദേവി, ദുര്ഗ്ഗാവാഹിനി സംസ്ഥാന സംയോജിക സി. ബിന്ദു, ബിഎംഎസ് സംസ്ഥാന വൈസ് പ്രസിഡന്റ് അഡ്വ. എസ്. ആശാമോള്, ബിജെപി ജില്ലാ സെക്രട്ടറി ഗീതാ രാംദാസ്, മാതൃശക്തി വിഭാഗ് സംയോജിക ഡോ. ഈശ്വരി ചന്ദ്രമോഹന്, ചേരമാന് കുളങ്ങര ക്ഷേത്രം പ്രസിഡന്റ് ലളിതമ്മ രാജശേഖരന് തുടങ്ങിയവര് പങ്കെടുക്കും.
ജന. കണ്വീനര് യു. രഞ്ജുഷ സ്വാഗതവും ആലപ്പുഴ പ്രഖണ്ഡ് സംയോജിക ഗാഥാ ഗോപകുമാര് നന്ദിയും പറയും. ഹിന്ദു പെണ്കുട്ടികള്ക്കുനേരെ നടക്കുന്ന ലൗ ജിഹാദ് അടക്കമുള്ള ആസൂത്രിത ശ്രമങ്ങള് വെളിച്ചത്തു കൊണ്ടുവരാനും സനാതന ധര്മ്മത്തെക്കുറിച്ച് ബോധവത്കരിക്കാനുമാണ് ദുര്ഗാവാഹിനി ശക്തി സാധനാ കേന്ദ്രങ്ങളുടെ നേതൃത്വത്തില് പരിപാടി നടത്തുന്നത്.
വിഎച്ച്പി ജില്ലാ ഉപാദ്ധ്യക്ഷന് ആര്. സോമനാഥ നായ്ക്, പ്രചാര് പ്രമുഖ് സുരേഷ് ബാബു, പ്രഖണ്ഡ് പ്രസിഡന്റ് സുരേഷ് കാവ്യത്ത് എന്നിവര് പത്രസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: