ഷിംല: ഹിമാചലില് കോണ്ഗ്രസ് എം.എല്.എ വനിതാ കോണ്സ്റ്റബിളിലെ കയ്യേറ്റം ചെയ്തു. യോഗസ്ഥലത്തേക്ക് പോകുന്നത് തടഞ്ഞ വനിതാ കോണ്സ്റ്റബിളിനെ എം.എല്.എ ആശാകുമാരി മുഖത്തടിക്കുന്ന ദൃശ്യങ്ങൾ വാര്ത്താ ഏജന്സിയായ എ.എന്.ഐയാണ് പുറത്ത് വിട്ടത്.
കോണ്ഗ്രസ് അധ്യക്ഷന് രാഹുല് ഗാന്ധി വിളിച്ചു ചേര്ത്ത തെരഞ്ഞെടുപ്പ് അവലോകന യോഗത്തില് പങ്കെടുക്കാന് എത്തിയതായിരുന്നു എം.എല്.എ. എന്നാൽ തിരക്ക് നിയന്ത്രിക്കുകയായിരുന്ന വനിതാ കോണ്സ്റ്റബിള് എം.എല്.എയെ യോഗസ്ഥലത്തേക്ക് കടത്തി വിടാന് അനുവദിച്ചില്ല. തുടർന്ന് എം.എല്.എ വനിതാ കോണ്സ്റ്റബിളിന്റെ മുഖത്ത് അടിക്കുകയായിരുന്നു. ഉടനെ തന്നെ കോൺസ്റ്റബിളും തിരിച്ച് എം.എല്.എയുടെയും മുഖത്തടിച്ചു.
നിരവധി പേര് നോക്കി നില്ക്കുമ്പോഴായിരുന്നു സംഭവം. കോണ്സ്റ്റബിളില് നിന്ന് മുഖത്തടി കിട്ടിയ എം.എല്.എ വീണ്ടും അവര്ക്ക് നേരെ തിരിഞ്ഞെങ്കിലും കൂടെയുണ്ടായിരുന്നവര് അവരെ പിടിച്ചു മാറ്റുകയായിരുന്നു.
#WATCH Shimla: Congress MLA Asha Kumari assaults woman constable, gets slapped back. She was being allegedly denied entry by Police in Rahul Gandhi's review meeting (amateur video) pic.twitter.com/puvMRnHKss
— ANI (@ANI) December 29, 2017
പ്രതികരിക്കാൻ ഇവിടെ എഴുതുക: