ശ്രീനഗര്: സി.ആര്.പി.എഫ് പരിശീലന കേന്ദ്രത്തില് ഭീകരർ നടത്തിയ ആക്രമണത്തില് ഒരാള് കൊല്ലപ്പെട്ടു. രണ്ട് പേര്ക്ക് പരിക്ക്. ജമ്മുകശ്മീരിലെ പുല്വാമയിലെ പരിശീലന കേന്ദ്രത്തിലാണ് രണ്ട് ഭീകരര് ആക്രമണം നടത്തിയത്.
ശ്രീനഗറില് 30 കിലോമീറ്റര് അകലെയാണ് ക്യാമ്പ്. ഭീകരരും സുരക്ഷ സൈനികരും തമ്മിലുള്ള പോരാട്ടം തുടരുകയാണെന്നാണ് റിപ്പോര്ട്ടുകള്. പരിശീലന കേന്ദ്രത്തിലെത്തിയ ഭീകരർ ഗ്രനേഡുകള് എറിഞ്ഞ് വെടിയുതിര്ക്കുകയായിരുന്നു. സി.ആര്.പി.എഫിന്റെ 185 ബറ്റാലിയന് ക്യാമ്പിലാണ് ആക്രമണമുണ്ടായത്.
സമാനമായ ആക്രമണത്തില് കഴിഞ്ഞ ആഗസ്റ്റില് എട്ട് സി.ആര്.പി.എഫ് സുരക്ഷ ഉദ്യോഗസ്ഥര് കൊല്ലപ്പെട്ടിരുന്നു. സുരക്ഷ സേന നടത്തിയ വെടിവെപ്പിനെ തുടര്ന്ന് മൂന്ന് തീവ്രവാദികള് കൊല്ലപ്പെടുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: