കണ്ണൂര്: മല്സ്യബന്ധനത്തിനിടെ വള്ളങ്ങള് കൂട്ടിയിടിച്ച് മൂന്നുപേര്ക്ക് പരിക്കേറ്റു. മൈതാനപ്പള്ളി സ്വദേശികളായ ഷംസീര് (26), നഫ്സീര് (27), ഒഡീഷ സ്വദേശി അര്ജുന് (22) എന്നിവര്ക്കാണ് പരിക്കേറ്റത്. ഇവരെ ജില്ലാ ആശുപത്രിയില് പ്രവേശിപ്പിച്ചു. ഇന്നലെ ഉച്ചയ്ക്ക് ഏഴിമലയിലാണ് അപകടമുണ്ടായത്. ആയിക്കരയില്നിന്ന് പുറപ്പെട്ട മൈതാനപ്പള്ളിയിലെ സി.എച്ച്.മുഹമ്മദ് കോയ വലക്കാരന് വള്ളമാണ് അപകടത്തില്പ്പെട്ടത്. ആറുപേരാണ് വള്ളത്തില് ഉണ്ടായിരുന്നത്. എന്ജിന് ഓഫായതിനെ തുടര്ന്ന് വള്ളം ആടിയുലയുകയും മറ്റൊരു വലിയ വള്ളം ഇടിക്കുകയുമായിരുന്നു. ഇടിയുടെ ആഘാതത്തില് തകര്ന്ന വള്ളത്തിന് ഒരുലക്ഷം രൂപയുടെ നഷ്ടം കണക്കാക്കുന്നു.
പ്രതികരിക്കാൻ ഇവിടെ എഴുതുക: