കൊച്ചി: റേഞ്ച് ഐജി പി. വിജയന് പ്രധാനമന്ത്രി നരേന്ദ്രമോദിയുടെ അഭിനന്ദനം. റേഡിയോ പ്രഭാഷണമായ മന് കി ബാത്തില് പി. വിജയന്റെ പേരെടുത്തു പറഞ്ഞാണ് മോദി അഭിനന്ദിച്ചത്. ശബരിമലയിലെ പുണ്യം പൂങ്കാവനം പദ്ധതിയുടെ സൂത്രധാരന് എന്ന നിലയിലാണ് അത്. ആദ്യമായാണ് ഒരു ഐപിഎസ്സുകാരന്റെ പേരെടുത്ത് പറഞ്ഞ് പ്രധാനമന്ത്രി അനുമോദിക്കുന്നത്.
മന് കി ബാത്തില് നരേന്ദ്രമോദി പറഞ്ഞതിങ്ങനെ: ”വിശ്വപ്രസിദ്ധമായ ശബരിമലയില് എല്ലാ വര്ഷവും കോടിക്കണക്കിന് ഭക്തരാണ് എത്തിച്ചേരുന്നത്. അവിടം മാലിന്യമില്ലാതെ കാക്കുകയെന്നത് എത്ര വലിയ വെല്ലുവിളിയാകാം? പര്വ്വതങ്ങളും കാടുമുള്ള പ്രദേശമാണെങ്കില് വിശേഷിച്ചും പറയാനുണ്ടോ? പക്ഷേ, ഈ പ്രശ്നത്തെയും ഒരു സംസ്കാരമാക്കി എങ്ങനെ മാറ്റാം, ഈ പ്രശ്നത്തില് നിന്ന് രക്ഷപ്പെടാനുള്ള മാര്ഗ്ഗം എങ്ങനെ കണ്ടെത്താം, ജനങ്ങളുടെ സഹകരണത്തിന് ഇത്രയും ശക്തിയുണ്ടാകുമോ എന്നതിനെല്ലാം ഉദാഹരണമെന്നപോലെയാണ് ശബരിമല ക്ഷേത്രം നിലകൊള്ളുന്നത്.
പി. വിജയന് എന്നു പേരുള്ള ഒരു പോലീസ് ഓഫീസര് പുണ്യം പൂങ്കാവനം എന്ന പേരില് ഒരു പദ്ധതി ആരംഭിച്ചു. ആ പദ്ധതി അനുസരിച്ച് മാലിന്യനിര്മ്മാര്ജ്ജനത്തിന്റെ കാര്യത്തില് ജാഗരൂകതയുടെ ഒരു സ്വാശ്രയമുന്നേറ്റം ആരംഭിച്ചിരിക്കയാണ്. ഏതൊരു ഭക്തന് വന്നാലും ശുചിത്വത്തിന്റെ കാര്യത്തില് എന്തെങ്കിലും ശാരീരിക പരിശ്രമം ചെയ്യാതെ യാത്ര പൂര്ത്തിയാകുകയില്ല എന്ന ഒരു ശീലം ഉണ്ടാക്കിയിരിക്കയാണ്. ഈ മുന്നേറ്റത്തില് വലിയവരുമില്ല, ചെറിയവരുമില്ല.
എല്ലാ ഭക്തരും ഭഗവാന്റെ പൂജയുടെ തന്നെ ഭാഗമാണെന്ന് കണക്കാക്കി കുറച്ചു സമയം ശുചിത്വത്തിനുവേണ്ടി നീക്കി വയ്ക്കുന്നു, ജോലി ചെയ്യുന്നു, മാലിന്യം നീക്കാനായി പ്രവര്ത്തിക്കുന്നു. എല്ലാ പ്രഭാതങ്ങളിലും ഇവിടെ മാലിന്യം നീക്കുന്നതിന്റെ ദൃശ്യം വളരെ ആശ്ചര്യപ്പെടുത്തുന്നതാണ്, തീര്ത്ഥാടകരെല്ലാം ഇതില് പങ്കാളികളാകുന്നു. എത്ര വലിയ സെലിബ്രിറ്റിയാണെങ്കിലും എത്രവലിയ ധനികനാണെങ്കിലും എത്ര വലിയ ഓഫീസറാണെങ്കിലും എല്ലാവരും സാധാരണ ഭക്തരെപ്പോലെ പുണ്യം പൂങ്കാവനം എന്ന പരിപാടിയില് പങ്കാളിയാകുന്നു.”
അഭിനന്ദനം വലിയ അംഗീകാരം: വിജയന്
കൊച്ചി: പുണ്യം പൂങ്കാവനം പദ്ധതിയുടെ വിജയം കൂട്ടായ പരിശ്രമത്തിന്റെ വിജയമാണെന്ന് പി.വിജയന് ഐപിഎസ് ജന്മഭൂമിയോട് പറഞ്ഞു. മന് കി ബാത്തില് പ്രധാനമന്ത്രി നരേന്ദ്രമോദി അഭിനന്ദിച്ചതിനോട് പ്രതികരിക്കുകയായിരുന്നു അദ്ദേഹം.
ശബരിമല ദര്ശനത്തിനെത്തുന്ന ഭക്തരും സന്നദ്ധ സംഘടനകളുമെല്ലാം പദ്ധതിയുടെ ഭാഗമായിട്ടുണ്ട്. ഇത്തരത്തിലൊരു പുണ്യപ്രവര്ത്തനത്തിന് നേതൃത്വം കൊടുക്കാനായത് ആഹ്ലാദകരമാണ്. പുണ്യം പൂങ്കാവനം പ്രവര്ത്തനത്തിന് പ്രധാനമന്ത്രിയുടെ അഭിനന്ദനമുണ്ടായത് വലിയ അംഗീകാരം തന്നെയാണ്. ഇത് എനിക്ക് മാത്രം ലഭിച്ചതല്ല, ഈ പ്രവര്ത്തനത്തിനൊപ്പം നിലകൊണ്ട എല്ലാവര്ക്കുമുള്ളതാണ്. വിജയന് പറഞ്ഞു.
രാജ്യത്താകെ വ്യാപിച്ച സ്റ്റുഡന്റ്സ് പൊലീസ് പദ്ധതിയുടെ സൃഷ്ടാവും പി. വിജയന് ഐപിഎസാണ്. രാഷ്ട്രപതിയുടേയും മുഖ്യമന്തിയുടേയും പൊലീസ് മെഡലുകള് വാങ്ങിയിട്ടുള്ള അദ്ദേഹം സിഎന്എന്-ഐബിഎന്നിന്റ ഇന്ത്യന് ഓഫ് ദി ഇയര് അവാര്ഡും കരസ്ഥമാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: