എടത്വാ: കെഎസ്ആര്ടിസി സര്വ്വീസ് നടത്തുന്ന പാരാത്തോട്- എകെജി റോഡ് കാടുകയറിയ നിലയില്. തലവടി ഗ്രാമപഞ്ചായത്ത് 10, 11 വാര്ഡുകളിലൂടെ കടന്നുപോകുന്ന റോഡിലാണ് ഇരുവശങ്ങളിലുമുള്ള പൊന്തക്കാടുകള് വളര്ന്ന് കാടുകയറിയ നിലയിലായത്.
റോഡിലൂടെ വാഹനം കടന്നുപോകുമ്പോള് കാല്നട യാത്രക്കാര്ക്ക് ഇരുവശങ്ങളിലേക്കും മാറാന്പോലും സ്ഥലമില്ലാതായി. കാടുകയറിയ റോഡില് യാത്രാദുരിതത്തിന് പുറമേ മാലിന്യ നിക്ഷേപവും പ്രദേശവാസികളെ കടുത്ത ദുരിതത്തിലാക്കുന്നതായി പരാതി.
രാത്രികാലങ്ങളില് അറവ് മാലിന്യങ്ങളും ഹോട്ടല് മാലിന്യവും റോഡിന്റെ ഇരുവശങ്ങളിലും തള്ളുന്ന കാരണം പ്രദേശവാസികള്ക്ക് വീടുകളില് പോലും ഇരിക്കാന് പറ്റാത്ത അവസ്ഥയാണ്. കാട് വളര്ന്നതോടെ പ്രദേശത്ത് ഇഴജന്തുക്കളുടെ ഉപദ്രവവും പതിവാണ്. അമ്പലപ്പുഴ-തിരുവല്ല റോഡ് നവീകരണം ആരംഭിച്ചതോടെ മാന്നാര്, മാവേലിക്കര ഭാഗങ്ങളിലേക്ക് പോകാന് യാത്രക്കാര് തിരഞ്ഞെടുക്കുന്ന റോഡിനാണ് ഈ ദുര്ഗ്ഗതി.
പ്രതികരിക്കാൻ ഇവിടെ എഴുതുക: