എബിവിപി പ്രവര്‍ത്തകന് നേരെ സിപിഎം-എസ്എഫ്‌ഐ അക്രമം

Wednesday 3 January 2018 4:43 pm IST

കണ്ണൂര്‍: കണ്ണൂര്‍ പോളിയില്‍ മെക്കാനിക്കല്‍ രണ്ടാം വര്‍ഷ വിദ്യാര്‍ത്ഥിയായ എബിവിപി പ്രവര്‍ത്തകനെ സിപിഎം-എസ്എഫ്‌ഐ സംഘം മര്‍ദ്ദിച്ചു. മള്ളായി വീട്ടില്‍ അഖില്‍ സുരേന്ദ്ര(19) നെയാണ് എസ്എഫ്‌ഐ-സിപിഎം പ്രവര്‍ത്തകര്‍ ക്രൂരമായി മര്‍ദ്ദിച്ചത്. പോളിയിലെ എസ്എഫ്‌ഐ പ്രവര്‍ത്തകന്‍ സംഗീത് ഒരു കാര്യം പറയാനുണ്ടെന്ന് പറഞ്ഞ് ക്ലാസ്സില്‍ നിന്നും കൂട്ടിക്കൊണ്ട് പോയി ഹോസ്റ്റല്‍ പരിസരത്തെത്തിക്കുകയും അവിടെ കാത്ത് നിന്നിരുന്ന അശ്വിന്‍ അശോക്, നിധിന്‍ രമേശ് തുടങ്ങി ആറംഗ സംഘം ഇരുമ്പ് വടിയും ഇരുമ്പുദണ്ഡുമൊക്കെയായി തലക്കും ശരീരമാസകലവും ക്രൂരമായി മര്‍ദ്ദിക്കുകയായിരുന്നു. മര്‍ദ്ദനമേറ്റ് വീണ അഖിലിനെ സഹപാഠികള്‍ ചേര്‍ന്ന് കണ്ണൂര്‍ എകെജി ആശുപത്രിയില്‍ പ്രാഥമിക ചികിത്സ നല്‍കിയതിന് ശേഷം തലശ്ശേരി ഇന്ദിരാഗാന്ധി ആശുപത്രിയില്‍ പ്രവേശിപ്പിച്ചു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.