വിദേശയാത്രക്കുള്ള അനുമതി തേടി വീണ്ടും കാര്‍ത്തി ചിദംബരം

Thursday 4 January 2018 4:47 pm IST

ന്യൂദല്‍ഹി : ഐഎന്‍എക്‌സ് മീഡിയകേസില്‍ ആരോപണവിധേയനായ മുന്‍മന്ത്രി പി ചിദംബരത്തിന്‍ മകന്‍ കാര്‍ത്തി ചിദംബരത്തിന് വിദേശയാത്രക്കുള്ള അനുമതി തേടിക്കൊണ്ടുള്ള ഹര്‍ജിയിന്‍മേലുള്ള വാദം ജനുവരി 8 ന് സുപ്രീംകോടതി പരിഗണിക്കും.

ബിസിനസ് ആവശ്യങ്ങള്‍ക്കായി ജനുവരി 10 മുതല്‍ 20 വരെ വിദേശത്തുപോകാനാണ് അനുമതി തേടിയത്. കഴിഞ്ഞ നവംബര്‍ 20 ന് മകളുടെ വിദ്യാഭ്യാസവുമായി ബന്ധപ്പെട്ട് യുകെ സന്ദര്‍ശിക്കാന്‍ സുപ്രീം കോടതി അനുമതി നല്‍കിയിരുന്നു.

എെഎന്‍എക്‌സ് മീഡിയ ലിമിറ്റഡിന് വിദേശനിക്ഷേപം സ്വീകരിക്കാന്‍ അനുമതി ലഭിച്ചതിലെ ക്രമക്കേടുമായി ബന്ധപ്പെട്ട കേസില്‍ ചോദ്യം ചെയ്യാന്‍ ബുധനാഴ്ച എന്‍ഫോഴ്‌സ്‌മെന്റ് ഡയറക്ട്രേറ്റ് കാര്‍ത്തിയെ വിളിപ്പിച്ചിരുന്നു .കഴിഞ്ഞ മേയില്‍ ആണ് കാര്‍ത്തി ചിദംബരത്തിനെതിരെ കേന്ദ്ര അന്വേഷണ ഏജന്‍സി കേസെടുത്തത്. ഐഎന്‍എക്‌സ് മീഡിയ മേധാവി പീറ്റര്‍ മുഖര്‍ജി ,ഇന്ദ്രാണി മുഖര്‍ജി എന്നിവരടക്കം കേസില്‍ പ്രതി ചേര്‍ത്തിരുന്നു.

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.