വടക്കന്‍ ആഫ്രിക്കയിലെ ഭീകരരെ നേരിടാന്‍ അമേരിക്കക്ക്‌ പുതിയ തന്ത്രം

Thursday 25 October 2012 9:16 pm IST

വാഷിങ്ങ്ടണ്‍: മാലിയിലും വടക്കന്‍ ആഫ്രിക്കയിലും തീവ്രവാദത്തെ നേരിടാന്‍ അമേരിക്ക പുതിയ തന്ത്രം മെനയുന്നു. അല്‍ഖ്വയ്ദ ബന്ധമുള്ള ആഫ്രിക്കന്‍ തീവ്രവാദത്തെ നേരിടാന്‍ അമേരിക്കന്‍ സൈന്യത്തെ ഉപയോഗിക്കുന്നതിനു പകരം രഹസ്യവിവരങ്ങള്‍, സൈനിക സജ്ജീകരണങ്ങള്‍ എന്നിവ നല്‍കി അമേരിക്കന്‍ നിയന്ത്രണത്തിലുള്ള പോരാട്ടങ്ങള്‍ക്കാണ്‌ ലക്ഷ്യം വക്കുന്നത.്‌ മുതിര്‍ന്ന അമേരിക്കന്‍ പ്രതിരോധ വൃത്തങ്ങള്‍ ഈ വിഷയത്തില്‍ സഖ്യരാജ്യങ്ങളുമായി ചര്‍ച്ച നടത്തിവരുന്നു.
മേഖലയില്‍ ഭീകര കേന്ദ്രങ്ങള്‍ തകര്‍ക്കുന്നതിനായി എല്ലാ രാജ്യങ്ങളുമായി അമേരിക്ക സഹകരിക്കുമെന്ന്‌ അമേരിക്കന്‍ പ്രതിരോധ സെക്രട്ടറി ലിയോണ്‍ പനേറ്റ മാധ്യമ പ്രവര്‍ത്തകരോട്‌ പറഞ്ഞു.
വിഷയത്തില്‍ കൂടുതല്‍ വിശകലനത്തിന്‌ പനേറ്റ തയ്യാറായില്ല. ഫ്രാന്‍സില്‍ ചേരുന്ന ഉച്ചകോടിക്ക്‌ മുന്നേ പ്രതിരോധ വിഭാഗത്തിലെ ഉന്നതര്‍ പാരീസില്‍ വിഷയം ചര്‍ച്ചചെയ്യുന്നുണ്ട്‌. വടക്കന്‍ മാലിയിലെ അല്‍ഖ്വയ്ദയെ ആഫ്രിക്കന്‍ സൈന്യത്തെ ഉപയോഗിച്ച്‌ നേരിടാമെന്നാണ്‌ ഉദ്യോഗസ്ഥരുടെ കണക്കുകൂട്ടല്‍.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.