സ്പോട്സ് ബൈക്കിടിച്ച് പെൺകുട്ടി കൊല്ലപ്പെട്ടു; അപകടമുണ്ടാക്കിയത് കെടിഎം ബൈക്ക്

Monday 8 January 2018 11:09 am IST

ബെംഗളൂരു: സ്പോട്സ് ബൈക്കിന്റെ അമിത വേഗതയിൽ പൊലിഞ്ഞത് പതിനൊന്നുകാരിയുടെ ജീവൻ. ഇന്നലെ ബെംഗളൂരു നഗരത്തിൽ അമിത വേഗത്തിൽ ടെക്കി ഓടിച്ച് കെടിഎം ബൈക്കിടിച്ചാണ് 11കാരിയായ പെൺകുട്ടി ദാരുണമായി കൊല്ലപ്പെട്ടത്.

സ്പോട്സ് ബൈക്ക് സംഘത്തിനൊപ്പമുണ്ടായിരുന്ന ടെക്കി ഹൈദരാബാദിലേക്കുള്ള യാത്രയിലായിരുന്നു. ഇയാളുടെ ബൈക്ക് എതിർദിശയിൽ വന്നിരുന്ന ബൈക്കുമായി കൂട്ടിയിടിക്കുകയായിരുന്നു. മറ്റ് ബൈക്കിന്റെ പുറകിലുണ്ടായിരുന്ന പെൺകുട്ടി ഇടിയുടെ ആഘാതത്തിൽ തെറിച്ച് പോകുകയും സംഭവസ്ഥലത്ത് വച്ച് തന്നെ മരണപ്പെടുകയുമായിരുന്നു.

അപകടമുണ്ടാക്കിയ ടെക്കിയെ നാട്ടുകാർ പിടികൂടി സമീപത്തുള്ള പോസ്റ്റിൽ കെട്ടിയിടുകയും തുടർന്ന് പോലീസിൽ ഏൽപ്പിക്കുകയും ചെയ്തു. അടുത്തിടെ നിരത്തിലിറങ്ങുന്ന അമിത വേഗത്തിലുള്ള സ്പോട്സ് ബൈക്കുകൾ നിരവധി അപകടങ്ങളാണ് അനുദിനം ഉണ്ടാക്കുന്നത്. 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.