യുവതിയെ സിറിയക്ക് കടത്താന്‍ ശ്രമം; അന്വേഷണം ബെംഗളൂരിലേക്ക്

Saturday 13 January 2018 2:45 am IST

കൊച്ചി:ഗുജറാത്തില്‍ താമസിക്കുന്ന പത്തനംതിട്ട സ്വദേശിനിയെ  ലൈംഗീകമായി ഉപയോഗിച്ച ശേഷം മതംമാറ്റി സിറിയയിലേക്ക് കടത്താന്‍് ശ്രമിച്ചകേസിന്റെ അന്വേഷണം പോലീസ് ബെംഗളൂരിലേക്ക് വ്യാപിപ്പിച്ചു. ഡിവൈഎസ്പി കെ.ബി. പ്രഫുല്ലചന്ദ്രന്റെ നേതൃത്വത്തിലുള്ള അന്വേഷണ സംഘം ബെംഗളൂര്‍ പൊലീസിന്റെ സഹായത്തോടെ് പ്രതികളുടെ താമസ സ്ഥലം കണ്ടെത്താനുള്ള നടപടികള്‍ ആരംഭിച്ചിട്ടുണ്ട്.

മുഖ്യപ്രതി മുഹമ്മദ് റിയാസ് വിദേശത്തായതിനാല്‍ ഇയാള്‍ക്കെതിരെ ലുക്കൗട്ട് നോട്ടീസ് പുറത്തിറക്കും. ഇയാളുടെ പാസ്‌പോര്‍ട്ട് നമ്പര്‍ കണ്ടെത്തുന്നതിനുള്ള ശ്രമത്തിലാണ് പോലീസ്. റിമാന്‍ഡില്‍ കഴിയുന്ന പറവൂര്‍ സ്വദേശികളായ ഫയാസ് ജമാല്‍ (23), സിയാദ് (48) എന്നിവരെ കസ്റ്റഡിയില്‍ വാങ്ങിയതിന് ശേഷമായിരിക്കും അന്വേഷണ സംഘം നേരിട്ട് ബാംഗ്‌ളൂര്‍ക്ക് തിരിക്കുക.  കസ്റ്റഡിയില്‍ വാങ്ങുന്നതിനുള്ള അപേക്ഷ തിങ്കളാഴ്ച്ച കോടതിക്ക് സമര്‍പ്പിക്കും. നിര്‍ബന്ധിത മതപരിവര്‍ത്തനത്തില്‍ പങ്കുണ്ടെന്ന് കരുതുന്നവരില്‍ പലരും ബെംഗളൂരുവിലാണെന്നാണ പോലീസിന് ലഭിച്ച വിവരം. യുവതിക്കും മുഖ്യപ്രതി മാഹി സ്വദേശി മുഹമ്മദ് റിയാസിനും താമസിക്കുന്നതിന് മാഞ്ഞാലിയില്‍ സൗകര്യമൊരുക്കിയത് റിമാന്‍ഡില്‍ കഴിയുന്നവരാണ്. ബെംഗളൂരുവിലെ മതപരിവര്‍ത്തന കേന്ദ്രത്തെ കുറിച്ച് പോലീസിന് വ്യക്തമായ സൂചനയുണ്ട്. 

സ്‌പെഷ്യല്‍ മാരേജ് ആക്ട് പ്രകാരം യുവതിയുടെ വിവാഹം രജിസ്റ്റര്‍ ചെയ്യുന്നതിന് ഹാജരാക്കിയത് വ്യാജ രേഖകളാണ്. ഇതിനായി വ്യാജ പേരില്‍ ആധാര്‍ കാര്‍ഡും തയ്യാറാക്കിയിരുന്നു. അതിനാല്‍ യുഎപിഎ നിയമവും മനുഷ്യക്കടത്തിനും പുറമെ മുഖ്യപ്രതിക്കെതിരെ വ്യാജ രേഖകള്‍ ചമച്ചതിനും പ്രതികള്‍ക്കെതിരെ കേസുണ്ടാകും. ഡിവൈഎസ്പി സി.ജി. വേണുവിന്റെ നേതൃത്വത്തില്‍ പോലീസ് ഗുജറാത്തിലെത്തിയാണ് യുവതിയുടെ മൊഴിയെടുത്തത്.

സ്വന്തം ലേഖകന്‍

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.