തിരുവനന്തപുരം: പോലീസ് കസ്റ്റഡിയിലിരിക്കെ ക്രൂരമര്ദനത്തിനിരയായി കൊല്ലപ്പെട്ട നെയ്യാറ്റിന്കര സ്വദേശി ശ്രീജിവിന്റെ മരണം സിബിഐ അന്വേഷിക്കില്ല. കേസ് അന്വേഷിക്കണമെന്ന കേരള സര്ക്കാറിന്റെ ആവശ്യം തള്ളി സിബിഐ കത്ത് നല്കി.
കഴിഞ്ഞ ഡിസംബര് 22നാണ് കേസ് ഏറ്റെടുക്കണമെന്നാവശ്യപ്പെട്ട് സര്ക്കാര് സിബിഐയ്ക്ക് കത്തയച്ചിരുന്നത്. സര്ക്കാരിന്റെയും ഹൈക്കോടതിയുടേതുമായി നിരവധി കേസുകള് പക്കലുണ്ടെന്നും അതുകൊണ്ട് ഈ കേസ് നിലവില് ഏറ്റെടുക്കാനാകില്ലെന്നുമാണ് സിബിഐ രേഖാമൂലം അറിയിച്ചിരിക്കുന്നത്.
ശ്രീജിവിന്റെ മരണത്തിന് ഉത്തരവാദികളായ പൊലീസുകാരെ നിയമത്തിന് മുന്നില് കൊണ്ടുവരണമെന്ന് ആവശ്യപ്പെട്ട് സഹോദരന് ശ്രീജിത്ത് സെക്രട്ടേറിയറ്റിന് മുന്നില് നടത്തുന്ന സമരം 763 ദിവസം പിന്നിട്ടതോടെയാണ് കത്ത് പുറത്തുവന്നത്.
പ്രതികരിക്കാൻ ഇവിടെ എഴുതുക: