കോട്ടയം: മള്ളിയൂര് മഹാഗണപതി ക്ഷേത്രത്തില് അഖിലഭാരത ഭാഗവതാമൃതസത്രത്തിന് 23ന് തുടക്കമാകും. ഭാഗവതഹംസം മള്ളിയൂര് ശങ്കരന് നമ്പൂതിരിയുടെ 97-ാം ജയന്തിയാഘോഷങ്ങളുടെ ഭാഗമായാണ് സത്രം. ഫെബ്രുവരി രണ്ടിനാണ് മള്ളിയൂര് ജയന്തി.
മള്ളിയൂര് പരമേശ്വരന് നമ്പൂതിരിയാണ് മുഖ്യ ആചാര്യന് . വെണ്മണി കൃഷ്ണന് നമ്പൂതിരി, നൊച്ചൂര് വെങ്കിട്ടരാമന്, വിഠല്ദാസ് ജയകൃഷ്ണന് ദീക്ഷിതര്, പെരുമ്പള്ളി കേശവന് നമ്പൂതിരി എന്നിവര് യജ്ഞാചാര്യന്മാരാണ്.
വിവിധ ദിവസങ്ങളിലായി 50 ആചാര്യന്മാരുടെ പ്രഭാഷണം. 23-ന് വൈകിട്ട് 4ന് ഭാഗവതരഥഘോഷയാത്ര ക്ഷേത്രത്തില് എത്തിച്ചേരും. 24ന് കാവാലം ശ്രീകുമാറിന്റെ സംഗീത സദസ്സ്, 25ന് കുചേലവൃത്തം കഥകളി, മള്ളിയൂര് ഗണേശ കലാക്ഷേത്രത്തിന്റെ നൃത്തം.
26-ന് വൈകിട്ട് 6ന് ലക്ഷദീപം. 7ന് ഡോ. എല്. സുബ്രഹ്മണ്യത്തിന്റെ വയലിന് കച്ചേരി. 27ന് കലാമണ്ഡം ഗോപി പങ്കെടുക്കുന്ന കര്ണ്ണശപഥം കഥകളി, 28ന് ടി. എസ്. രാധാകൃഷ്ണജിയുടെ ഭക്തിഗാന തരംഗിണി. 29ന് മാതംഗി സത്യമൂര്ത്തിയുടെ സംഗീത സദസ്സ്, 30ന് ഉമയാളൂര് കല്യാണരാമന്റെ സമ്പ്രദായ ഭജന, 31-ന് വൈകിട്ട് 7ന് ചെങ്കോട്ട ഹരിഹരസുബ്രഹ്മണ്യത്തിന്റെ സമ്പ്രദായഭജന, ഫെബ്രുവരി ഒന്നിന് കെ.ജി. ജയന്, ഹൈദ്രരാബാദ് ബ്രദേഴ്സ് എന്നിവരുടെ സംഗീത സദസ്സ്, 2ന് കോഴിക്കോട് പ്രശാന്ത് വര്മ്മയുടെ മാനസജപലഹരി.
ഫെബ്രുവരി 2ന് രാവിലെ 11-ന് ഭാഗവതഹംസജയന്തി സമ്മേളനം. സത്രത്തിലെത്തുന്നവര്ക്ക് മള്ളിയൂരില് താമസസൗകര്യം ഏര്പ്പെടുത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: