വാരാണസി: കാശി വിശ്വനാഥ ക്ഷേത്രത്തിനു സമീപത്തായി രഹസ്യപാത കണ്ടെത്തി. ഇത്രയും സുരക്ഷ ഒരുക്കിയിട്ടുള്ള സ്ഥലങ്ങളില് കെട്ടിടത്തിനടിയിലൂടെ നിയമ വിരുദ്ധമായി പാത നിര്മിച്ചതിന് അന്വേഷണം ആവശ്യപ്പെട്ടിട്ടുണ്ട്.
റെസിഡന്ഷ്യല് ഏരിയയില് നിന്ന് 50 മീറ്റര് ദൂരെയായാണ് രഹസ്യ വഴി കണ്ടെത്തിയത്. ജില്ലാ പോലീസ് മേധാവി ആര്.കെ. ഭര്ദ്വജിന്റെ നേതൃത്വത്തിലുള്ള സംഘം ചൊവ്വാഴ്ച രാത്രി പട്രോളിങ് നടത്തുന്നതിനിടെ പ്രദേശത്തെ കെട്ടിടത്തിനടിയില് നിന്നുവെളിച്ചം ശ്രദ്ധയില്പ്പെടുകയായിരുന്നു. തുടര്ന്നുള്ള അന്വേഷണത്തിലാണ് നിര്മാണം കണ്ടെത്തിയത്.
ബിനിയബാഗ് പാര്ക്കിനു സമീപത്തായാണ് ഈ വഴി അവസാനിക്കുന്നത്. പരിശോധനയില് ഭൂമിക്കടിയിലൂടെയുള്ള വലിയ പാതയാണ് ശ്രദ്ധയില് പെട്ടതെന്ന് പോലീസ് അറിയിച്ചു. ഇതുമായി ബന്ധപ്പെട്ട് വാരാണസി ഡവലപ്മെന്റ് അതോറിട്ടി (വിഡിഎ) ഒരു അസിസ്റ്റന്റ് എന്ജിനീയറേയും രണ്ട് ജൂനിയര് എന്ജിനീയര്മാരേയും സസ്പെന്ഡ് ചെയ്തു.
പ്രതികരിക്കാൻ ഇവിടെ എഴുതുക: