തിരുവനന്തപുരം: അന്യായമായി യൂണിഫോം തസ്തികയില് ഉള്പ്പെടുത്തി നിയമനം അട്ടിമറിക്കുന്ന സര്ക്കാര് നടപടിക്കെതിരെ ബീറ്റ് ഫോറസ്റ്റ് ഓഫീസര് (ബിഎഫ്ഒ) പിഎസ്സി റാങ്ക് ഹോള്ഡേഴ്സ് സെക്രട്ടേറിയറ്റിന് മുന്നില് പ്രതിഷേധ സമരം സംഘടിപ്പിച്ചു. വനംവകുപ്പിലെ ബിഎഫ്ഒ റാങ്ക് ലിസ്റ്റിനോടുള്ള സര്ക്കാര് അവഗണന അവസാനിപ്പിക്കുക, റാങ്കുപട്ടികയുടെ കാലാവധി മൂന്നുവര്ഷമാക്കുക എന്നീ ആവശ്യങ്ങളുന്നയിച്ചായിരുന്നു സമരം. കെ. രാജന് എംഎല്എ ഉദ്ഘാടനം ചെയ്തു. പി.സി. ജോര്ജ് എംഎല്എ പിന്തുണ അറിയിച്ച് സമരപ്പന്തലില് എത്തി. സമരം 24വരെ സെക്രേട്ടറിയറ്റിന് മുന്നില് തുടരും. ഇതിനിടെ അധികൃതര് വിഷയം പരിഹരിച്ചില്ലെങ്കില് നിരാഹാരമുള്പ്പടെയുള്ള കടുത്ത സമരമുറകളുമായി മുന്നോട്ടുപോകുന്നെന്ന് ഭാരവാഹികള് മുന്നറിയിപ്പു നല്കി.
പ്രതികരിക്കാൻ ഇവിടെ എഴുതുക: