തിരുവനന്തപുരം: ഭാരതീയ പട്ടികജനസമാജം സംസ്ഥാന കമ്മിറ്റിയുടെ ആഭിമുഖ്യത്തില് സെക്രട്ടേറിയറ്റ് ധര്ണ സംഘടിപ്പിച്ചു. യാതൊരു സംവരണമാനദണ്ഡവും പാലിക്കാതെ കേരളാ അഡ്മിനിസ്ട്രേറ്റീവ് സര്വീസ് നടപ്പാക്കുവാനുള്ള സംസ്ഥാന സര്ക്കാര് തീരുമാനത്തിനെതിരെയും കാലാനുസൃത മാറ്റങ്ങള്ക്ക് അനുസരിച്ച് ജനോപകാരപ്രദമല്ലാത്ത തീരുമാനങ്ങള് കൈകൊള്ളുന്ന ഭരണാധികാരികള്ക്ക് എതിരെയുമാണ് സെക്രേട്ടറിയറ്റ് ധര്ണ സംഘടിപ്പിച്ചത്. പി.സി. ജോര്ജ് എംഎല്എ ഉദ്ഘാടനം ചെയ്തു. പൊതു സമൂഹത്തില് തെറ്റായ സന്ദേശങ്ങള് നല്കി സംവരണീയരെ പ്രതിസന്ധിയില് നിര്ത്താനാണ് സര്ക്കാര് ശ്രമിക്കുന്നതെന്ന് ആധ്യക്ഷം വഹിച്ച പിജെഎസ് സംസ്ഥാന പ്രസിഡന്റ് രാജു കുമ്പ്ളാന് ആരോപിച്ചു. ഓര്ഗനൈസിംഗ് സെക്രട്ടറി പ്രദീപ് കെ. കുന്നുകര, ജനറല് സെക്രട്ടറി ഷൈജു കാവനത്തില് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: