സന്തോഷ് ട്രോഫി :കേരളം ഫൈനല്‍ റൗണ്ടില്‍

Tuesday 23 January 2018 2:30 am IST

ബംഗളൂരു: മുന്‍ ചാമ്പ്യന്മാരായ കേരളം സന്തോഷ് ട്രോഫി ഫുട്‌ബോള്‍ ടൂര്‍ണമെന്റിന്റെ ഫൈനല്‍ റൗണ്ടില്‍ കടന്നു. ദക്ഷിണ മേഖലാ യോഗ്യതാ റൗണ്ട് ഗ്രൂപ്പ് ബിയിലെ അവസാന മത്സരത്തില്‍ തമിഴ്‌നാടിനെ ഗോള്‍ രഹിത സമനിലയില്‍ തളച്ചാണ് കേരളം ഫൈനല്‍ റൗണ്ടില്‍ കടന്നത്.

യോഗ്യതാ മത്സരങ്ങള്‍ അവസാനിച്ചപ്പോള്‍ കേരളത്തിനും തമിഴ് നാടിനും നാലു പോയിന്റ് വീതം ലഭിച്ചു. പക്ഷെ മികച്ച ഗോള്‍ ശരാശരിയില്‍ തമിഴ്‌നാടിനെ പിന്തള്ളി ഗ്രൂപ്പ് ബി യില്‍ ഒന്നാം സ്ഥാനക്കാരായി കേരളം ഫൈനല്‍ റൗണ്ടില്‍ കളിക്കാന്‍ അര്‍ഹത നേടി. ഗ്രൂപ്പിലെ ആദ്യ മത്സരത്തില്‍ കേരളം ഏകപക്ഷീയമായ ഏഴു ഗോളുകള്‍ക്ക് ആന്ധ്രപ്രദേശിനെ തോല്‍പ്പിച്ചു.തമിഴ്‌നാടിന് ഫൈനല്‍ റൗണ്ടില്‍ കടക്കാന്‍ കേരളത്തിനെതിരെ വിജയം അനിവാര്യമായിരുന്നു. വിജയത്തിനായി അവര്‍ പൊരുതിക്കളിച്ചെങ്കിലും ലക്ഷ്യം നേടാനായില്ല. 

ദക്ഷിണമേഖല യോഗ്യതാ റൗണ്ട് ഗ്രൂപ്പ് എയില്‍ നിന്ന്  കര്‍ണാടകയും ഫൈനല്‍ റൗണ്ടില്‍ കടന്നിട്ടുണ്ട്്. കര്‍ണാടകത്തിന്റെ മലയാളി താരം രാജേഷ് ടൂര്‍ണമെന്റിലെ മികച്ച കളിക്കാരനായി തെരഞ്ഞെടുക്കപ്പെട്ടു.

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.