ഇന്തോനേഷ്യയില്‍ ശക്തമായ ഭൂചലനം

Tuesday 23 January 2018 3:33 pm IST

ജക്കാര്‍ത്ത: ഇന്തോനേഷ്യയുടെ തലസ്ഥാനമായ ജക്കാര്‍ത്തയില്‍ ശക്തമായ ഭൂചലനം. റിക്ടര്‍ സ്‌കെയിലില്‍ 6.0 തീവ്രത രേഖപ്പെടുത്തിയ ഭൂചലനത്തില്‍ ആളപായമോ നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല. സുനാമി ഭീഷണിയില്ലെന്ന് അധികൃതര്‍ പറഞ്ഞു.

പ്രാദേശിക സമയം ഉച്ചയ്ക്ക് 1.45 നാണ് ഭൂചലനം അനുഭവപ്പെട്ടത്. ജക്കാര്‍ത്തയുടെ തെക്ക് 130 കിലോമീറ്റര്‍ അകലെയാണ് ഭൂചലനത്തിന്റെ പ്രഭവ കേന്ദ്രം. 

ഭൂചലനം ഏതാനും മിനിട്ടുകള്‍ നീണ്ടു നിന്നതായും കെട്ടിടങ്ങളില്‍ നിന്നും ജനങ്ങള്‍ പുറത്തിറങ്ങിയതായും ദൃക്‌സാക്ഷികള്‍ വ്യക്തമാക്കി.. റോഡുകളില്‍ ജനങ്ങള്‍ ഇപ്പോഴും തമ്പടിച്ചിരിക്കുകയാണെന്ന്  പ്രാദേശിക ടെലിവിഷന്‍ ചാനലുകള്‍ റിപ്പോര്‍ട്ട് ചെയ്തു. 

അമേരിക്കന്‍ പ്രതിരോധ സെക്രട്ടറി ജെയിംസ് മാട്ടിസ് ഔദ്യോഗിക സന്ദര്‍ശനത്തിനായി ജക്കാര്‍ത്തയിലുണ്ട്.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.