കൊച്ചി: ഗവര്ണ്ണറുടെ നയപ്രസംഗത്തില് വിട്ടുപോയതും ഒഴിവാക്കിയതും സംബന്ധിച്ച വിവാദം ഉണ്ടായിരിക്കെ പുതിയ വെളിപ്പെടുത്തല് ഗുരുതര പ്രശ്നമാകുന്നു. ഗവര്ണ്ണര് സംസ്ഥാന സര്ക്കാര് നയം പ്രസംഗിക്കവേ പ്രതിപക്ഷത്തെ പ്രമുഖ പാര്ട്ടി നേതാവ് കാരിക്കേച്ചര് വരയ്ക്കുകയായിരുന്നു! പ്രതിപക്ഷ നേതാവ് അത് വിതരണം ചെയ്യുകയായിരുന്നു!! ധനകാര്യമന്ത്രി ‘ഉറങ്ങുക’യായിരുന്നു!!!
നിയമ നിര്മ്മാണ സഭയെ ജനപ്രതിനിധികള് എത്ര ഗൗരവമായി കാണുന്നുവെന്നതിന് ഇതുപോലെ തെളിവ് പലതുണ്ട്. ഗവര്ണ്ണര്ക്കെതിരേ ഭരണ-പ്രതിപക്ഷങ്ങള് സംയുക്തപ്രമേയം പാസാക്കാനൊരുങ്ങുകയാണ്. നയപ്രസംഗം നടത്തിയ ജനുവരി 22 ന് നിയമസഭയില് മുസ്ലിം ലീഗ് നേതാവ് ഡോ. എം.കെ. മുനീര് കാരിക്കേച്ചര് വരയ്ക്കുകയായിരുന്നു.
ഒന്നര മണിക്കൂര് പ്രസംഗത്തിനിടെ പത്ത് നേതാക്കളുടെ കാരിക്കേച്ചര് വരച്ചു. അവ അതത് നേതാക്കള്ക്ക് വിതരണം ചെയ്യാന് പ്രതിപക്ഷ നേതാവ് രമേശ് ചെന്നിത്തലയാണ് മുന്കൈ എടുത്തത്. കേരള കോണ്ഗ്രസ് നേതാവ് അനൂപ് ജേക്കബ് സഹായിച്ചു. ഔദ്യോഗിക കാര്യങ്ങള്ക്ക് അംഗങ്ങളെ സഹായിക്കാന് സഭയില് നിയോഗിച്ചിട്ടുള്ള വാച്ച് ആന്ഡ് വാര്ഡുമാരെയാണ് കാരിക്കേച്ചര് കൈമാറുന്ന വിനോദത്തിന് വിനിയോഗിച്ചത്.
ചെന്നിത്തല കൊടുത്തയച്ച കാരിക്കേച്ചര് ധനമന്ത്രി തോമസ് ഐസക്കിന് എത്തിക്കാന് വാച്ച് ആന്ഡ് വാര്ഡ് ചെന്നപ്പോള് അദ്ദേഹം ‘ഉറക്ക’ത്തിലായിരുന്നു. ഞെട്ടിയുണര്ന്നാണ് ധനമന്ത്രി കാരിക്കേച്ചര് കണ്ടത്.
കൈരളി ടിവിയുടെ തമാശ പരിപാടിയായ ‘കോക് ടെയിലില്’ എംഎല്എ മുനീറിനെ പ്രശംസിക്കാനാണ് നിയമഭയില് എംഎല്എ ചിത്രം വരയ്ക്കുന്നതും വിതരണം ചെയ്യുന്നതും ഐസക് ഉറക്കത്തില്നിന്ന് ഞെട്ടി ഉണരുന്നതും സംപ്രേഷണം ചെയ്തത്. എന്നാല്, ഏറെ ഗൗരവതരമെന്ന് കരുതപ്പെടുന്ന ഗവര്ണ്ണറുടെ നയ പ്രസംഗ വേളയിലെ അംഗങ്ങളുടെ ചേഷ്ട ഏറെ ചര്ച്ചാവിഷയമായിട്ടുണ്ട്.
പ്രതികരിക്കാൻ ഇവിടെ എഴുതുക: