കൊച്ചി: ചാരക്കേസില് എന്ഐഎ അന്വേഷണം തേടി സംസ്ഥാന സര്ക്കാരിന് നിവേദനം. രാജ്യസുരക്ഷയടക്കം ഉള്പ്പെട്ട വിഷയമാണ് ചാരക്കേസ്.
കേസുമായി ബന്ധപ്പെട്ട് നിരവധി സംശയങ്ങളും ദുരൂഹതകളും നിലനില്ക്കുകയാണ്. കേസില് ശരിയായ സിബിഐ അന്വേഷണം നടന്നിട്ടുമില്ല. ഈ സാഹചര്യത്തില് അന്വേഷണം എന്ഐഎക്ക് വിടണം, ഹൈക്കോടതി അഭിഭാഷകന് അഡ്വ. കെ. പി രാമചന്ദ്രന് നല്കിയ നിവേദനത്തില് ആവശ്യപ്പെടുന്നു.
അല്ലെങ്കില് സത്യസന്ധരായ സിബിഐ ഉദ്യോഗസ്ഥരെ അന്വേഷണം ഏല്പ്പിക്കണം. കേസില് കുറ്റാരോപിതനായിരുന്ന നമ്പി നാരായണന് ഒരു കോടി രൂപ 18 ശതമാനം പലിശ സഹിതംനല്കാന് സംസ്ഥാന സര്ക്കാര് തീരുമാനിച്ചിട്ടുണ്ട്. പൊതുഖജനാവില് നിന്ന് പണമെടുത്ത് നല്കരുതെന്നും നിവേദനത്തില് ആവശ്യപ്പെടുന്നു.
പ്രതികരിക്കാൻ ഇവിടെ എഴുതുക: