സ്പെഷ്യൽ ഓപ്പറേഷൻസ് ഇന്ത്യ- സർജ്ജിക്കൽ സ്ട്രൈക്ക് ദൃശ്യങ്ങള്‍

Saturday 27 January 2018 12:35 pm IST

ന്യൂദല്‍ഹി: അതിർത്തി കടന്ന് പാകിസ്ഥാന്റെ ഭീകരക്യാമ്പുകൾ തകർത്തെറിഞ്ഞ ഇന്ത്യൻ സേനയുടെ ധീരോജ്ജ്വലമായ ദൗത്യം സ്പെഷ്യൽ ഓപ്പറേഷൻസ് ഇന്ത്യ- സർജ്ജിക്കൽ സ്ട്രൈക്ക് എന്ന ഡോക്യൂമെന്ററി പുറത്തിറങ്ങി. സർജ്ജിക്കൽ സ്ട്രൈക്കിനെ കുറിച്ചുള്ള കൂടുതൽ വെളിപ്പെടുത്തലുകളാണ് ഹിസ്റ്ററി ചാനൽ നിർമ്മിച്ച ഡോക്യൂമെന്ററിയില്‍ ഉള്ളത്.

പാക് അധീന കശ്മീരിൽ കടന്നാണ് അന്ന് ഇന്ത്യൻ സേന ഭീകര കേന്ദ്രങ്ങൾ തകർത്തത്. 19 പേരടങ്ങുന്ന സംഘത്തിന് മേജർ മൈക് ടാംഗോ ആയിരുന്നു നേതൃത്വം നൽകിയത്. സംഘം സർജ്ജിക്കൽ സ്ട്രൈക്കിനു പുറപ്പെടുന്നതിനു മുൻപായി ആസൂത്രണം ചെയ്ത ചർച്ചകൾ, കാട്ടിലൂടെ നടത്തിയ അതിസാഹസിക യാത്ര, സേന ആക്രമണങ്ങൾക്കായി ഉപയോഗിച്ച ആയുധങ്ങൾ, സാങ്കേതിക വിദ്യകൾ എന്നിവയെല്ലാം ഡോക്യൂമെന്ററിയിൽ ഉൾപ്പെടുത്തിയിട്ടുണ്ട്. പരിക്കേറ്റ കമാൻഡോയെ ഹെലികോപ്റ്ററിൽ കൊണ്ടുപോകുന്നതും ദൃശ്യങ്ങളിലുണ്ട്.

ദൗത്യം പൂർത്തിയാക്കി മടങ്ങാനൊരുങ്ങുമ്പോൾ കൂടുതൽ പാക് സൈനികരെത്തിയതും ആക്രമണം ശക്തമായതിനെ കുറിച്ചും സർജ്ജിക്കൽ സ്ട്രൈക്കിൽ പങ്കെടുത്ത കമാൻഡോകൾ തന്നെ വിവരിക്കുന്നുണ്ട്. പേര് വെളിപ്പെടുത്താതെ, അന്ന് സംഭവിച്ച ഓരോ നിമിഷങ്ങളും കമാൻഡർമാർ വിവരിക്കുന്നുണ്ട്.

മരണത്തെ മുന്നിൽ കണ്ടായിരുന്നു സർജ്ജിക്കൽ സ്ട്രൈക്കിനൊരുങ്ങിയത്. വെടിയുണ്ടകൾ തലക്കു മുകളിലൂടെ പാഞ്ഞു പോയ അവസരങ്ങളിൽ പലപ്പോഴും മരണം ഉറപ്പിച്ചിരുന്നതായും കമാൻഡോകൾ പറയുന്നുണ്ട്. ദൗത്യത്തിനായി ഗൂഗിൾ മാപ്പിന്റെ സഹായത്തോടെ തയ്യാറാക്കിയ ഗ്രാഫിക്സ് ചിത്രങ്ങളും ഡോക്യൂമെന്ററിയിലുണ്ട്.

വളരെ രഹസ്യമായി ഇന്ത്യ ആസൂത്രണം ചെയ്ത സർജ്ജിക്കൽ സ്ട്രൈക്കിൽ നാലോളം പാക് ഭീകര ക്യാമ്പുകളാണ് തകർത്തത്.

 

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.