ന്യൂദല്ഹി: ത്രിപുര നിയമസഭാ തെരഞ്ഞെടുപ്പിലേക്കുള്ള ആദ്യ ഘട്ട സ്ഥാനാര്ത്ഥി പട്ടിക ബിജെപി പുറത്തിറക്കി. 44 പേരടങ്ങുന്ന പട്ടികയാണ് പ്രസിദ്ധീകരിച്ചിരിക്കുന്നത്. അറുപതംഗ നിയമസഭയില് 51 സീറ്റുകളിലേക്കാണ് ബിജെപി മത്സരിക്കുക. മറ്റ് സീറ്റുകളില് സഖ്യകക്ഷികള് മത്സരിക്കും. സ്ഥാനാര്ത്ഥികളുടെ പട്ടിക മുതിര്ന്ന നേതാവ് ജെ.പി നഡ്ഡ, ദേശീയ അധ്യക്ഷന് അമിത് ഷാ എന്നിവര് ചേര്ന്നാണ് പുറത്ത് വിട്ടത്.
ധന്പൂരില് നിന്ന് ബിജെപി സംസ്ഥാന സെക്രട്ടറി പ്രതിമ ഭൗമിക് മത്സരിക്കും. പാര്ട്ടി സംസ്ഥാന അധ്യക്ഷന് ബിപ്ലാബ് കുമാര് ദേബ് ബനമലിപൂരില് നിന്ന് ജനവിധി തേടും. ഫെബ്രുവരി 18നാണ് ത്രിപുരയില് തെരഞ്ഞെടുപ്പ്. മാര്ച്ച് 3ന് ഫലം പ്രഖ്യാപിക്കും.
ഇടതുപക്ഷ ഭരണം അവസാനിപ്പിച്ച് ബിജെപി ത്രിപുരയില് വിജയം നേടുമെന്ന് അമിത് ഷാ പ്രഖ്യാപിച്ചിരുന്നു. കോണ്ഗ്രസില് നിന്നും തൃണമുല് കോണ്ഗ്രസില് നിന്നും എംഎല്എ മാര് ബിജെപിയിലേക്ക് ചേര്ന്നിരുന്നു.
പ്രതികരിക്കാൻ ഇവിടെ എഴുതുക: