തിരുവനന്തപുരം: എ.കെ ശശീന്ദ്രനെ വീണ്ടും മന്ത്രിയാക്കാനുള്ള ഇടത് മുന്നണി നീക്കം കേരളത്തിലെ സ്ത്രീത്വത്തോടുള്ള വെല്ലുവിളിയാണെന്ന് പ്രതിപക്ഷ നേതാവ് രമേശ് ചെന്നിത്തല. ധാര്മികതയെക്കുറിച്ച് എന്നും പുരപ്പുറത്ത് കയറി നിന്ന് വലിയ വായില് പ്രസംഗിക്കാറുള്ള ഇടതു മുന്നണിയുടെ യഥാര്ത്ഥ മുഖമാണ് എകെ ശശീന്ദ്രനെ വീണ്ടും മന്ത്രിയാക്കാനുള്ള നീക്കത്തിലൂടെ മനസ്സിലാകുന്നത് അദ്ദേഹം വ്യക്തമാക്കി.
ഫോണ് കെണി വിവാദത്തില് കുടുങ്ങിയ ശശീന്ദ്രന്റെ സംഭാഷണം എല്ലാവരും കേട്ടതാണ്. അന്ന് സംഭാഷണം ടെലിവിഷന് ചാനല് പുറത്തു കൊണ്ടു വന്നപ്പോള് സംഭാഷണം തന്റേതല്ല എന്ന് ശശീന്ദ്രന് നിഷേധിച്ചിരുന്നില്ല. മറിച്ച് രാജി വയ്ക്കുകയായിരുന്നു ചെയ്തത്. കുറ്റബോധം ഉണ്ടായിരുന്നതിനാലാണ് ഉടനടി അദ്ദേഹം രാജിവച്ചതെന്നും ചെന്നിത്തല പറഞ്ഞു.
സ്ത്രീ സംരക്ഷണം എന്ന മുദ്രാവാക്യം വോട്ട് തട്ടാനുള്ള ഇടത് മുന്നണിയുടെ മാര്ഗം മാത്രമാണ് എന്ന് ശശീന്ദ്രന്റെ സംഭവം ഓര്മിപ്പിക്കുന്നുവെന്നും അദ്ദേഹം ആരോപിച്ചു. ജനപ്രതിനിധികള് വീഴ്ച വരുത്തുമ്പോള് അത്തരക്കാരെ അധികാരത്തില് നിന്നും പുറത്ത് നിര്ത്തേണ്ടത് സാമാന്യ മര്യാദയാണ്. സ്ത്രീകളെ അപമാനിക്കുന്ന നീക്കത്തില് നിന്നും ഇടത് മുന്നണി പിന്തിരിയണമെന്നും ചെന്നിത്തല പറഞ്ഞു.
പ്രതികരിക്കാൻ ഇവിടെ എഴുതുക: