തിരുവനന്തപുരം: ബിനോയി കോടിയേരിയുടെ തട്ടിപ്പ് കേസുമായി ബന്ധപ്പെട്ട് നിരവധി വിശദീകരണങ്ങള് പുറത്തു വന്നെങ്കിലും സംഭവത്തിലെ ദുരൂഹതകള് നീങ്ങുന്നില്ല. ബിനോയിയുടെ പേരില് നാളിതു വരെ ദുബായില് കേസുകളൊന്നുമില്ലെന്ന ദുബായ് പൊലീസിന്റെ സാക്ഷ്യപത്രം യഥാര്ത്ഥത്തില് ദുരൂഹത കൂട്ടുകയാണ് ചെയ്തത്. ആരോപണം ഉയര്ന്ന ദിവസം ബിനോയിയുടേതായി പുറത്തു വന്ന വിശദീകരണത്തില് ദുബായില് ചെക്കു കേസുണ്ടെന്ന് പറയുന്നുണ്ട്. കോടതി 60,000 ദിര്ഹം പിഴ ഈടാക്കിയെന്നും ബിനോയ് തന്നെ വ്യക്തമാക്കിയതാണ്.
കഴിഞ്ഞ ദിവസം ഹാജരാക്കിയ സാക്ഷ്യപത്രത്തില് ബിനോയ്ക്കെതിരെ നാളിതുവരെ ഒരു കേസുമില്ലെന്നാണ് പറഞ്ഞിട്ടുള്ളത്. ഇവ രണ്ടും തമ്മില് പൊരുത്തക്കേടുണ്ടെന്ന് പ്രഥമ ദൃഷ്ട്യാ മനസ്സിലാകും. അതുകൊണ്ട് തന്നെ ദുബായ് പൊലീസിന്റെതെന്ന് പറഞ്ഞ് പുറത്തു വിട്ട സാക്ഷ്യപത്രത്തിന്റെ ആധികാരികത സംശയാസ്പദമാണ്.
പ്രതികരിക്കാൻ ഇവിടെ എഴുതുക: