കൊല്ലം: കണ്ണനല്ലൂര് (വടക്കേമുക്ക്)-മീയണ്ണൂര്-ഓയൂര് റോഡില്) വടക്കേമുക്കില് റോഡ് അറ്റകുറ്റപ്പണിക്ക് ശേഷം റോഡ് സൈഡില് കൂട്ടിയിട്ടിരിക്കുന്ന മണല്ക്കൂന അപകടക്കെണിയാകുന്നു. വിദ്യാര്ത്ഥികളടക്കമുള്ള കാല്നടയാത്രക്കാര്ക്കും ഇരുചക്രവാഹനങ്ങള്ക്കും ഗതാഗതതടസവും അപകടവും ഉണ്ടാകുന്ന രീതിയില് റോഡിലേക്ക് കയറ്റിയാണ് ഗ്രാവല് കൂട്ടിയിട്ടിരിക്കുന്നത്. റോഡ് അറ്റകുറ്റപ്പണിക്ക് ശേഷം റോഡിന്റെ വശത്തായി രണ്ടുസ്ഥലങ്ങളിലാണ് ഗ്രാവല് ഇട്ടിരിക്കുന്നത്. നിരവധി വിദ്യാര്ത്ഥികളാണ് ദിവസവും ഇതുവഴി നടന്നുപോകുന്നത്. വലിയവാഹങ്ങള് വരുമ്പോള് റോഡ് സൈഡിലേക്ക് മാറാന് കഴിയുന്നില്ല. നിരവധിതവണ പരാതിപ്പെട്ടിട്ടും അധികൃതരുടെ ഭാഗത്തുനിന്നും ഒരു നടപടിയും ഉണ്ടായിട്ടില്ല.
പ്രതികരിക്കാൻ ഇവിടെ എഴുതുക: