കൊച്ചി: നടിയെ ആക്രമിച്ച സംഭവത്തിന്റെ ദൃശ്യങ്ങള്, കേസിലെ പ്രതിയായ നടന് ദിലീപിന് നല്കാനാകില്ലെന്ന് ആവര്ത്തിച്ച് പൊലീസ്. ദൃശ്യങ്ങള് ആവശ്യപ്പെട്ടുളള ദിലീപിന്റെ അപേക്ഷ പരിഗണിക്കുമ്പോഴാണ് പ്രോസിക്യൂഷന് കോടതിയില് നിലപാട് ആവര്ത്തിച്ചത്.
ഫോറന്സിക് വിവരങ്ങള് നല്കുന്നതില് എതിര്പ്പില്ലെന്നും പ്രോസിക്യൂഷന് വ്യക്തമാക്കി. ഇക്കാര്യം വ്യക്തമാക്കുന്ന രേഖാമൂലമുളള റിപ്പോര്ട്ടും പ്രോസിക്യൂഷന് കോടതിയില് സമര്പ്പിച്ചു. കേസുമായി ബന്ധപ്പെട്ട് കോടതിയില് സമര്പ്പിച്ച ദൃശ്യങ്ങളില് ക്രമക്കേട് നടന്നിട്ടുണ്ടെന്നും, ഇത് വിചാരണ വേളയില് തെളിയിക്കുന്നതിന് ദൃശ്യങ്ങള് നല്കണമെന്നുമാണ് ദിലീപ് ആവശ്യപ്പെട്ടത്.
കുറ്റപത്രത്തില് പറഞ്ഞിട്ടുള്ള രേഖകള് ലഭിക്കാന് അവകാശമുണ്ടെന്ന് ദിലീപിന്റെ അഭിഭാഷകന് വാദിച്ചിരുന്നു. മുമ്പ് കോടതിയുടെ സാന്നിധ്യത്തില് തന്നെ കുറ്റപത്രത്തോടൊപ്പം പൊലീസ് സമര്പ്പിച്ച പ്രധാനപ്പെട്ട രേഖകള് ദിലീപ് പരിശോധിച്ചിരുന്നു. എന്നാല് വിശദമായ പരിശോധനയ്ക്കായി വേണ്ടി ദിലീപ് വീണ്ടും രേഖകള് ആവശ്യപ്പെടുകയായിരുന്നു.
പ്രതികരിക്കാൻ ഇവിടെ എഴുതുക: