ന്യൂദല്ഹി: പട്ടികജാതിക്കാര്ക്കായുള്ള 279 പദ്ധതികള്ക്കുള്ള വിഹിതം 2016-17 ലെ 34,334 കോടി രൂപയില് നിന്ന് 2017-18 ലെ പുതുക്കിയ എസ്റ്റിമേറ്റ് പ്രകാരം 52,719 കോടി രൂപയായി വര്ദ്ധിപ്പിച്ചതായി കേന്ദ്ര ധനമന്ത്രി അരുണ് ജെയ്റ്റ്ലി.
പട്ടികവര്ഗ്ഗക്കാര്ക്കായുള്ള 305 പദ്ധതികള്ക്കുള്ള വിഹിതം 2016-17 ലെ 21,811 കോടി രൂപയില് നിന്ന് 2017-18 ലെ പുതുക്കിയ എസ്റ്റിമേറ്റ് പ്രകാരം 32,508 കോടി രൂപയായി വര്ദ്ധിപ്പിച്ചു. 2018-19 ലെ ബജറ്റ് എസ്റ്റിമേറ്റ് പ്രകാരം പട്ടികജാതിക്കാര്ക്കുള്ള വിഹിതം 56,519 കോടി രൂപയായും, പട്ടിക വര്ഗ്ഗക്കാരുടേത് 39,135 കോടി രൂപയായി വര്ദ്ധിപ്പിച്ചിട്ടുണ്ടെന്നും ജെയ്റ്റ്ലി അറിയിച്ചു.
പ്രതികരിക്കാൻ ഇവിടെ എഴുതുക: